Tuesday , September 22 2020
Breaking News
You are here: Home / Showbiz / Mga beauty queen dadalaw sa GRR-TNT

Mga beauty queen dadalaw sa GRR-TNT

ABANGAN ang kinoronahang Ms. Philippines Earth 2013 na si Angelee delos Reyesngayong Sabado, Setyembre 7, 9:00-10:00 a.m. sa kinagigiliwang lifestyle show ng GMA News TV na Gandang Ricky Reyes, todo Na Toh (GRR TNT).

Sa pagdalaw ni Angelee sa One On One Gandang Ricky Reyes Salon sa 172 Aurora Blvd., San Juan City ay gagawan siya ni Mader Ricky ng  make over  na lalong magpapalitaw sa kanyang mala-reynang kagandahan.

“Tinuruan din ako ni Mader ng madaling pag-aayos ng buhok at paglalagay ng make-up para sa paglahok ko sa Miss Earth Pageant. Sa competition proper, kasi, walang tutulong sa pag-aayos mo. Kami-kami na lang. We’re left on or own. Thankful ako kay Mader sa mga itinuro niya,” sabi ni Angelee na nangangakong iuuwi niya ang korona, titulo at setro sa nasabing event.

Samantala, may interbyu si Mader sa isang dating actor na member ng That’s entertainment ni Kuya Germs (Moreno). Operada na ang protégée at sa pangalangZyrene Mae Veranona ay nagwaging Miss Gay World 2011 sa Bangkok, Thailand. Maaaliw kayong tiyak sa mga karanasan sa pag-ibig ng transgender na ito.

Mahirap ang buhay ng call center agents na ‘di lang walong oras kundi minsa’y 16 oras ang duty. Ipakikilala sa GRR TNT ang maganda at seksing si Riri Verdol na sa tulong daw ng MX3 capsule, tea and coffee ay nananatiling malusog, malakas, at laging handang magtrabaho ng mahabang oras. Puwede nga siyang manalong Miss Call Center Philippines.

Sasampulan ng former beauty queen na si Peachy Veneracion ang isang paraan ng pagbabawas ng timbang na ang paraa’y non-invasive, walang aray at ‘di nakaaapekto sa kalusugan. Ito ngayon ang kinalolokohan ng mga babaeng laging tipo ang whistle-bait figure.

Lahat ng mga ito at marami pang sorpresa ang hatid ng GRR TNT na prodyus ng ScriptoVision.

About hataw tabloid

Leave a Reply

Your email address will not be published. Required fields are marked *

*

Scroll To Top