Monday , April 6 2020
Breaking News
You are here: Home / Breaking News / Manila chairman utas sa ratrat

Manila chairman utas sa ratrat

090713_FRONT copy

Patay ang isang barangay captain matapos pagbabarilin sa loob ng barangay hall sa Barangay 130, Zone 11 sa Buendia Street, Balut, Tondo, Maynila, Biyernes ng hapon.

Kinilala ang biktimang si Rolando Reyes, incumbent chairman na nasa ikalawang termino.

Tatlo ang nasugatan sa insidente.

Sa inisyal na imbestigasyon, pinasok ng dalawang lalaki ang barangay hall at binaril si Reyes gayondin ang kanyang asawa.

Naglakad lamang palayo ang suspek ngunit hinabol ng mga barangay tanod. Natamaan sa nasabing habulan ang tanod na si Juanito Fausto.

Sinabi ng mga nakakitang residente na nakasuot ng shorts, t-shirt at sombrero ang dalawang suspek.

Nagawa pang isugod sa ospital si Reyes ngunit idineklarang dead on arrival.

Nasa Tondo General Hospital naman ang asawa ng biktima at ang tanod.

Bukod sa dalawang sugatan, tinamaan din ng ligaw na bala ang batang nakaistambay na si Adrian Daguio na itinakbo naman sa Jose Reyes Hospital.

Inaalam pa ng mga awtoridad ang motibo sa krimen.

ni LEONARD BASILIO

About hataw tabloid

Leave a Reply

Your email address will not be published. Required fields are marked *

*

Scroll To Top