Tuesday , September 22 2020
Breaking News
You are here: Home / Showbiz / Wally, nakapanghihinayang

Wally, nakapanghihinayang

“ANYARE kay Wally Bayola?” ang iisang tanong ng lahat ng taong nakakausap namin sa showbiz events na dinaluhan at maging sa tapings ng ilang programa ay tinanong din kami ng, “ano naman ang masasabi mo sa sex video ni Wally?”

Sa totoo lang Ateng Maricris, speechless kami dahil ano nga ba ang nangyari kay Wally?  Nakahihinayang, kasi idolo siya ng masa at ng mga bagets, sila ni Jose Manalo at saksi kami kung paano sila kinatutuwaan ng mga bata.

Gustong-gusto nga namin si Wally kapag nagpe-perform na sa Zirkoh comedy bar ay talagang hahagalpak ka ng tawa lalo na noong on-leave si Jose dahil din sa isyu nila ng dating asawa.

Talagang nakaya ni Wally na itayo ang show maski wala ang kanyang partner in crime na si Jose.

Natatawa naman kami sa isang katoto na nagsabing, “potah, akala ko bakla si Wally, matulis pala, akalain mo, may sex video?” Susme, maski kailan ay hindi naman namin pinagdudahan ang sekswalidad ni Wally dahil nahuli na namin siyang iba tumingin sa babaeng maganda ‘no kapag nasa Zirkoh (ibuking ba namin).

Anyway, bakit nga ba kasi kailangang kunan ang sarili habang nakikipagtalik? Ito ang hindi namin lubos na maintindihan at pagkatapos kapag nawala ang cellphone at kumalat sa internet at isusulat naming mga reporter ay kami naman ang babalikan ng demanda?

Kaya tama rin ang punto ng aming publisher na si Sir Jerry Yap na ang dapat kasuhan ay ang mga taong gumagawa mismo ng kalaswaan sa sarili nila at hindi kaming mga reporter na naghahanap ng maiinit na balita.

May kasabihan nga kung ayaw mong ma-diyaryo, dapat malinis kang gumawa ng kalokohan o kaya huwag kang gumawa ng kalokohan at all.

Sa kaso nina Wally at EB Babe Yosh, eh, humingi na lang kayo ng dispensa sa publiko at huwag na kayong mag-elaborate kung bakit kumalat ang nasabing video dahil tiyak na iisa lang ang tanong ng taumbayan, “bakit n’yo kinunan ang sarili ninyo?”

Wally, hinihintay ka na ng fans mo sa Zirkoh at Klownz sana huwag kang liliban ha.
Regee Bonoan

About hataw tabloid

Leave a Reply

Your email address will not be published. Required fields are marked *

*

Scroll To Top