Thursday , March 28 2024
Philippine Drug Enforcement Agency PDEA

2 PDEA agents 2 pa sugatan sa buy bust

SUGATAN ang apat katao kabilang ang dala­wang agents ng Philippine Drug Enforcement Agency (PDEA) sa isina­ga­wang buy bust ope­ration sa Pasay City, kahapon ng umaga.

Nasa San Juan de Dios Hospital ang mga biktima na si PDEA Agent 3 Charlemaine Tang, nasa hustong gulang at PDEA Agent 2 Richard Seure, 44, upang  lapatan ng lunas sanhi ng tama ng bala sa katawan.

Nadale rin ang isang kahera ng Unioil gasoline station na kinilala sa pangalang Justine mata­pos tamaan ng ligaw na bala at ginagamot ngayon sa Adventist Medical Center Manila.

Iniulat na nasugatan ang isa sa dalawang sus­pek na kinilalang isang alyas Boy, nasa isang ospital na nagawang ma­takasan ang mga awto­ridad.

Ayon sa inisyal na ulat ni Pasay City Police chief S/Supt. Bernard Yang, nagsagawa ng buy bust operation ang PDEA sa koordinasyon ng naturang pulis na nauwi sa enkuwentro sa kanto ng Buendia (Gil Puyat Ave.,) at F.B. Harrison St., malapit sa gas station sa nasabing lungsod, dakong 7:30 ng umaga.

Nahalata umano ni alyas Boy at kasama nito na pulis ang kanilang katransaksiyon dahilan upang paulanan ng bala ang mga awtoridad.

Napilitang gumanti ang mga operatiba ng putok na ikinasugat ng isang suspek habang tinamaan ng bala sina Tang at Seure habang nadale naman ang isang kawani ng gasolinahan.

Nakakuha ng pagka­kataon ang dalawang suspek na makatakas sa kamay ng mga awtori­dad. Nagsasagawa ng hot pursuit operations ang PDEA katuwang ang Pasay Police.

(JAJA GARCIA)

About Jaja Garcia

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *