Friday , March 29 2024

Viloria nahaharap sa pinakamabigat na laban kay Gonzales

090115 Brian Viloria Roman Gonzalez

ALAM ni dating world flyweight at light flyweight champion Brian Viloria na si Roman ‘Chocolatito’ Gonzales ng Nicaragua ang pinakamabigat at pinakatalentadong boksingero na kanyang makakaharap sa kanyang career.

Maghaharap ang dalawang kampeon sa Oktubre 17, 2015 (October 18 PHL time) sa Madison Square Garden sa New York.

Hawak ang perfect 43-0 record, kabilang ang 37 knockout, ang defending WBC world flyweight champion na si Gonzalez ay No. 2 sa prestihiyosong pound-for-pound ranking ng RING magazine, bukod sa pagiging lineal champion sa 112-pound division.

“Lumaban na ako at nagwagi sa pinakamalaking entablado sa mundo laban sa ‘best-of-the-best.’ Buong buhay ko’y pianghandaan ko ang manalo sa bawat antas ng kompetisyon mula sa World Amateur titles at Olympic Games hanggang sa professional world titles,” ani Viloria, na may record na 36-4, 22 KOs.

“At ang labang ito, laban kay Roman Gonzalez, ang masasabing pinakamalaking hamon sa ngayon. Ngunit ito rin ang pinakamalaking hamon para kay Roman. Ito ang pagsasakatuparan ng aking ambisyon at gagawin ko ang lahat nang makakaya ko sa fight night. Pareho naming bibigyan ang mga boxing fans ng bagay na espesyal para sa kanila, isang bagay na kanilang pag-uusapan sa mahabang panahon,” punto ni Viloria.

Ayon naman kay Chocolatito, inamin niyang lehitimong banta si Viloria sa kanyang titulo pero sinabi rin na handa siyang harapin ang tinaguriang ‘The Hawaiian Punch.’

“Kilala si Viloria bilang mahusay na kampeon kaya magiging mabigat na laban ito, pero pinaghandaan ko ang hamon,” ani Gonzalez.

ni Tracy Cabrera

About Tracy Cabrera

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *