Friday , March 29 2024

Uncle Sam alyado suportrado vs China

Nangako ang Estados Unidos na suportado nila ang mga kaalyadong bansa na nakaka-alitan ang China dahil sa ilang pinag-aagawang teritoryo, kabilang ang Filipinas.

Sa pagharap ni Assistant Secretary of State Daniel Russel sa isang congressional hearing sa Estados Unidos na tumatalakay sa polisiya ng bansa sa Silangang Asya, kanyang ipinahayag na tutuparin nila ang kanilang responsibilidad sa mga kaalyadong bansa.

“There should be no doubt about resolve of the United States. We stand by our allies and we stand by our commitments,” ani Russel.

Aniya, ang mga pinakahuling hakbang ng China laban sa Filipinas ay bunga ng galit nito sa pagdulog ng Maynila sa UN arbitration para maresolba ang usapin sa pinag-aagawang mga teritoryo sa West Philippine Sea.

Ang Filipinas ay isang treaty ally ng Estados Unidos. Isa lang ito sa mga nakaaalitan ng China pagdating sa ilang pinag-aagwang teritoryo na kabilang din ang Brunei, Malaysia, Vietnam at Japan.

Ngayong Abril nakatakdang bumisita si US President Barack Obama sa bansa at pinaplantsa na ang  panibagong kasunduan na naglalayong magdagdag ng pwersang militar ng Estados Unidos sa Filipinas.

Noong nakalipas na linggo, naghain ang Filipinas ng memorial o written argument sa United Nations (UN) arbital tribunal sa The Hague, Netherlands, kaugnay ng pinagtatalunang teritoryo sa West Philippine Sea.

Pero sa 12-pahinang position paper na inilabas ni Zhang Hua, taga-pagsalita ng embahada ng China sa Filipinas, muli nitong iginiit ang paninindigan ng China na kanilang pag-aari ang mga pinagtatalunang teritoryo, bagay na sumasalungat sa posisyon ng Filipinas lalo’t sakop ang naturang rehiyon ng exclusive economic zone (EEZ) nito. (LANI CUNANAN)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Leave a Reply

Your email address will not be published. Required fields are marked *