Super Boy Dayao babasag muli ng rekord

HANDANG bumasag muli ng panibagong Philippine Powerlifting record ang Super Boy ng Philippine sports na si Jose “Sunday” Masangkay Dayao 111 ng Cyber Muscle Gym sa 38kgs developmental category sa gaganaping 2019  5 In 1 Philippine Luzon Open Powerlifting Championships sa Barangay Greater Lagro covered stage Q.C. sa darating na  Linggo.

Plano  ng mag-amang Cirilo at Jose Dayao 111 na muling wasakin ang hawak ding sariling record sa Squat-77.5kgs, Bench Press-40kgs, DeadLift-85kgs at Total-202.5kgs.

Nasa magandang kondisyon  ang 11-years old na si Dayao para sa darating na kompetisyon  at unti-unti na nilang binabawasan ang kanilang training, upang makapag­buhat ang batang si Dayao na mas mabigat sa hawak niyang mga Phi­lip­pine record.

Nakatakdang  makipagtagisan din ng lakas sa 66kgs sa Luzon open sina  Francis Oliver Retardo ng BARS at Isiah De Villa ng Bistro Char­lemagne, bubuhat din sa 105kgs  men’s open si Christopher Uichanco ng Chopain, sa women’s division inaasahang darating si Asian record holder Joyce Gail Reboton-84kg division at Jeremy Reign Bautista-57kg women’s jr division.