Friday , March 29 2024
Bulabugin ni Jerry Yap
Bulabugin ni Jerry Yap

Sinong BI official ang sisibakin?

BIGLANG naalarma at nayanig ang mga opisyal sa Bureau of Immigration (BI) matapos muling umugong nitong nakaraang linggo ang balasahan sa Gabinete ni Pangulong Rodrigo “Digong” Duterte.

Kamakailan ay sinibak ang isa sa mga USEC ng Department of Budget and Management na si Usec. Gertrudo “Ted” de Leon.

Kasunod nito, umugong na isa raw sa tatamaan ang isang high ranking official ng Bureau of Immigration (BI) na hindi pa pinapangalanan!

Naku, naloko na!

Para raw mga dagang costa na lumundag ang ilang ‘sulsultants’ na nakapaligid sa three high ranking BI officials na sina Commissioner Jaime Morente at Deputy Commissioners Toby Javier and Aimee Torrefranca-Neri.

Natural dahil halos hindi pa nga nag-iinit sa puwesto ang tatlo pero ngayon ay may rigodon na agad sa BI?!

Hindi rin lingid sa kaalaman na ‘very juicy’ ang kanilang puwesto kaya kahit hindi pa naaamyendahan ang bagong Immigration law ay marami ang hayok na makapuwesto sa BI!

Sana naman ay hindi totoo ang mga kumakalat na balita. Dahil sa tingin natin, wala ngayong problema sa ahensiya at kahit wala pang overtime pay ay kontento ang mga tao sa leadership nina Commissioner Morente, et al.

Malaki ang tulong ng mga nasa paligid nila kung talagang gusto pa nilang mapanatili sa puwesto ang kanilang mga bossing.

Medyo hinay-hinay lang sa kanilang mga diskarte at lalo sa mga ‘urot’ dahil madalas ito ang dahilan kung bakit nakakanal ang kanilang mga panginoon!

Oo naman?!

Envy is the root cause of all evil!

Tama ba tayo diyan, Inday Garutay?!

Since lahat ay nakikinabang sa leadership ng tatlong commissioners, bakit hindi na lang makontento ang ilan at pabayaan ang kasalukuyang takbo ng ahensiya?

Anyway, kahit wala naman OT pay ‘di ba masaya pa rin ang majority sa Bureau?

ATM, hanging and waiting pa ang lahat sa announcement ng Malacanañg sa napipintong balasahan.

Kaya kung gusto pa ninyong magtagal sa puwesto sina Commissioners Morente, Javier at Neri bakit hindi magtulungan para magkaroon sila ng magandang accomplishments upang hindi manganib sa kanilang mga trono!

KAILAN DIDISIPLINAHIN
NI BI CHIEF MORENTE
ANG 2 BI-CTR STAFF!?

MARAMI ang sumegunda at natuwa matapos natin ‘pitikin’ noong nakaraang issue ang ilan sa mga empleyado ng BI-Center for Training and Research (CTR).

Very precise raw ang ating ulat tungkol kina Ms. Cangcungan ‘este Cabacungan at isang nagngangalang “Gerry” na sakit ngayon ng ulo ng kagawaran!

Sana raw ay maaksiyonan ni Commissioner Morente ang trabaho ng dalawang ‘yan at tuluyan nang ilipat ng opisina!

Wala raw kasi inatupag ang mga hinayupak kundi puro pagkakakitaan at hindi kung ano talaga ang kanilang mga trabaho?!

Susmaryosep!

Nakapagtataka nga raw at alam naman nila kung gaano ka-straight ang kanilang bossing na si RPL na galit daw sa “fixers?”

Sus talaga lang ha?!!

Galit ba talaga sa fixers?!

I don’t think so!

Kasi kung talagang galit ‘yan e ‘di sana mortal enemies na sila nina Betty Chowchow at Anna Seng-hot na mga BFFs nila ngayon!

Tanong din ng concerned BI employees, totoo raw ba na may service vehicle na isang “Hi-Ace Grandia” si Ms. Cangcungan ‘este’ Cabacungan considering na “JO” lang siya?

Kasuwerte naman talaga ni ateh!

Well, ‘yun ang malinaw na kuwento ng isang watch your car boy sa labas ng BI main office.

Ano naman ang mapapala niya kung siya ay magsisinungaling?

May katuwiran!

Kaiba rin daw ‘yang si “Gerry” dahil minsan daw ay sinita ang isang empleyado na nag-assist sa isang bisita na nagkataong manugang pala ni Presidente Duterte.

Sonabagan!

Paktay kang bata ka!

Kulang ka pala sa orientation bata!

Dapat marunong ka kumilatis ng bisita at ‘BWISITA!’

Buti at ‘di ka ‘natokhang’ diyan!

Commissioner Bong Morente baka gusto ninyong kalusin ang dalawang ‘yan kaysa naman diyan pa kayo mabulilyaso!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *