Thursday , March 28 2024

SGMA nagdeklara ng suporta sa HNP ni Sara; Otso Diretso sa Caloocan naglunsad ng kampanya

NAGDEKLARA si Speaker Gloria Maca­pagal-Arroyo ng suporta kay Sara Duterte at sa kanyang Hugpong ng Pagbabago (HnP) sa paglulunsad ng pamban­sang kampanya sa Clark, Pampanga kahapon.

Buong-buo aniya ang kanyang suporta rito kasa­ma ang mga sena­torial candidates ng koa­lisyon.

“All out, all out,” ani Arroyo.

Kasama sa mga senatorial candidates ng HnP ang reelectionists na sina senators Sonny Angara, Cynthia Villar,  at Aquilino “Koko” Pimen­tel III; si Ilocos Norte Gov. Imee Marcos, ang dating mamama­hayag na si Jiggy Manicad, Pia Caye­tano, Joseph Victor “JV” Ejercito, Ramon “Bong” Revilla, Jr., ang dating political adviser ni Pa­ngulong Rodrigo Duterte na si Francis Tolentino, ang dating hepe ng Philip­pine National Police (PNP) Ronald Dela Rosa, ang kongresista ng Ma­guin­danao Zajid Mangu­dadatu, at ang Special Assistant to the President Bong Go.

Nagpasalamat si Arroyo kay Mayor Sara Duterte sa pagpili sa Pam­panga para sa pag­lulunsad ng kampanya ng HnP.

“Oh we’re very honored. We think it’s a recognition of the fact [that] in the last elections, the biggest majority of [votes] of Mayor Duterte outside his bailiwick was in Pampanga. We hope we can duplicate that,” ani Arroyo na sinamahan ng ilang reporter mula sa Kamara.

Malaki ang naging papel ni Mayor Sara sa pagpatalsik kay dating Speaker Pantaleon Alva­rez at sa pagluluklok kay Arroyo bilang speaker.

Ang Otso Diretso ng oposisyon ay naglunsad ng kanilang kampaya sa San Roque Cathedral sa Caloocan.

Kasama sa line up ng Otso Diretso sina Mag­­dalo party-list Rep. Gary Alejano, reelectionist Sen. Bam Aquino, human rights lawyer Chel Diok­no, Marawi civic leader at peace advocate Samira Gutoc, dating Solicitor General Florin Hilbay, at election lawyer Romulo Macalintal.

Tutungo ang grupo sa Naga City ngayon (Mi­yer­koles) para sa dialogo nila sa mga estudyante ng Camarines Sur Poly­technic College at kick-off rally sa Plaza Quezon ng lungsod sa gabi.

ni Gerry Baldo

About Gerry Baldo

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *