Friday , March 29 2024

Sana Dalawa Ang Puso, trending pa rin 

HINDI na kami magtataka kung pumapalo kaagad sa ratings game at nagti-trending ang bagong seryeng Sana Dalawa Ang Puso dahil talagang inaabangan ito ng loyalistang supporters nina Richard Yap at Jodi Sta. Mari bukod pa kay Robin Padilla.

Kuwento nga ng pinsan naming nasa Amerika, tatlong beses kung panoorin ng lola Lila Salonga namin ang Sana Dalawa ang Puso sa isang araw kaya tinanong namin kung puwede ba iyon.

Sabi sa amin, “grabe ang saya ni mama ‘cuz, sa isang araw tatlong beses pinanonood, may IPTV at Jeepney TV kami.”

At maging ang mga nag-o-opisina na hindi napapanood ang SDAP ay sa IWantTV naman pinanonood pagdating nila sa gabi kaya nasa 4th slot bilang pinakamaraming nanonood.

Mainit na pinagkukuwentuhan ang mga karakter nina Mona at Lisa (Jodi), Martin (Richard), at Leo (Robin) dahil iba ang hatid na saya sa kanila kapag pinanonood nila lalo na ang aktres na tuwang-tuwa sila dahil isang seryoso at isang komedyana.

“Aliw si Mona, in fairness kay Jodi, ang galing talaga niya, panalo ang tandem nila ni Kitkat na mukhang klown,” reaksiyon ng mga nanonood.

Base sa umeereng episode ng Sana Dalawa Ang Puso ay tumanggi na si Lisa (Jodi) na magpakasal kay Martin (Richard) dahil inakala nitong kinuha ang USB na naglalaman ng confidential files ng kompanya ng una kaya nakapaglabas na ang huli ng teaser sa social media ng bago nilang produkto.

Inakala rin ni Liza (Jodi) na inutusan naman ni Martin (Richard) si Leo (Robin) na kunin ang usb kaya nawawala ito.

Nataon naman na iniligtas ni Leo (Robin) si Liza (Jodi) sa mga taong gusto siyang dukutin, pero imbes na magpasalamat ay inangilan pa ng dalaga ang binata.

Samantalang si Mona (Jodi) naman ay kinikilig nang makita si Martin (Richard) sa isang magazine na cover na inakalang mananabong kasi nga nakita niya rati sa sabungan.

Ipinakita rin sa teaser na aksidenteng nagkita sina Lisa at Mona (Jodi) ng dumikit ang mukha ng huli sa kotseng sakay ang una na ikinagulat nila.

Palaisipan sa manonod kasama na kami kung bakit nagkahiwalay ang kambal at bakit hindi ito ipinagtapat ng kanilang magulang o sino ang tunay na magulang nina Mona at Lisa?

FACT SHEET
ni Reggee Bonoan

About Reggee Bonoan

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *