Friday , March 29 2024

Sa pagdating ni Standhardinger, SMB lalong lumakas

KARAGDAGANG puwersa ang darating para sa malakas ng San Miguel Beer sa katauhan ni Filipino-German sensation Christian Standhardinger.

Inaasahang magiging sakto ang pagdating ng 6’8 na sentro at top overall draft pick ng 2017 PBA Draft na si Standhardinger sa weekend na siyang simula din ng ensayo ng Beermen.

Ilang linggo itong mas maaga sa orihinal na antisipasyong ng pagsama ni Standhardinger sa kampo ng Beermen.

Dahil sa kanyang kontrata sa Hongkong Eastern sa Asean Basketball League, hindi pa agad nakasama ni Standhardinger ang koponan sa katatapos lamang na Philippine Cup na siyang pinagwagian din naman ng Beermen.

Sa katunayan, sa Mayo pa sana makakabalik ng bansa si Standhardinger dahil sa Mayo pa sana ang pagtatapos ng Finals ng ABL na pinapaborang makakaabot ang nagdedepensang kampeon na Hongkong.

Ngunit sa pambihirang pagkakataon, pinauwi sila nang maaga ng San Miguel-Alab Pilipinas matapos ang 2-0 pagwalis sa semi-finals kamakalawa, dahilan upang mapaaga ang paguwi ni Standhardinger.

Sa 22 ng Abril na ang simula ng 2018 PBA Commissioner’s Cup ngunit sa unang linggo pa ng Mayo ang laban ng SMB upang mabigyan sila ng sapat na pahinga dahil sa katatapos lamang na All-Filipino conference.

Hindi pa natalo sa apat na magkakasunod na Philippine Cup ang Beermen matapos nga nilang dispatsahin ang Magnolia, 4-1 sa katatapos lamang na Finals.

Sila rin ang kampeon ng Commissioner’s Cup at sa napipintong pagdating ni Standhardinger na nagrehistor ng 23.1 puntos, 11.7 rebounds, 2.4 assists at 1.4 steals sa ABL ay mas magiging mahirap para sa 11 iba pang koponan ang mapatanggal sa trono ang kampeon.

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *