Friday , March 29 2024

ROTC revival hindi sagot, NSTP palakasin — Sen. Bam (Pagbabalik ng ROTC hungkag na kilos para sa pagkamakabayan)

ISUSULONG ni Senador Bam Aquino ang reporma at pagpapalakas sa National Service Training Program o NSTP imbes ibalik ang Reserved Officers Training Corps (ROTC) sa Grade 11 at Grade 12.

Ayon kay Senador Bam, maganda ang layunin ng NSTP nang ipatupad ito sa ilalim ng Republic Act 9163 noong taong 2000 dahil inoobliga rin ng estado ang college students, babae man o lalaki, na sumailalim sa tatlong programa na puwede nilang pagpilian para makatulong sa bayan.

Sa ilalim ng NSTP, sinabi ni Sen Bam na puwedeng pumili ang mga estudyante sa Civil Welfare Training Services para sa social services, Literacy Training Services para magtu­ro sa mga out of school youth, at ROTC para sa disaster at emergency responses.

Binigyang-diin ni Sen Bam na hindi naman kailangan ituro ang pagiging makabayan dahil kapag dumating ang sandaling ‘sasakupin’ o guguluhin tayo ng ibang bansa ay awtomatiko sa mga Filipino na makikipaglaban para sa kanyang bansa.

Naniniwala rin si Sen Bam na hindi na rin kailangan ng panibagong batas para mahikayat ang volunteerism dahil ang kultura ng mayorya ng mga mamamayan ay handang tumulong sa mga panahon ng kalamidad kapag kailangan.

Bagama’t importanteng bahagi ang pagsasa­nay na humawak ng armas sa ROTC, hindi pa rin nito magagarantiya na magiging dalubhasa ang graduates dito dahil maikli at basic training ang ibinibigay sa kanila.

Bukod dito, sinabi ni Sen Bam makailang-ulit na rin napatunayan na nagagamit pa ang ROTC sa pang-aabuso ng mga instructor at madalas din maging mitsa ng korupsiyon.

Nagsumite si Sen. Bam ng resolusyon noong Hulyo 2017 para imbestigahan ang pagpapatupad ng NTSP Law at kung paano ito mapapalakas at mapapaganda.

Kaugnay nito, sinabi rin ng senador na aprobado na sa Senado ang Senate Bill 1607 na nagtatakda ng employment rights sa mga reservist ng Armed Forces of the Philippines (AFP), kabilang ang retiradong military servicemen at officers, na sumama sa Reserved Force.

Hinihintay na lang ang Kamara na aprobahan ang panukala para maisabatas bago matapos ang taon.

Ayon kay Senador Bam, kung aalagaan din ng estado ang employment rights ng mga retiradong military o police servicemen ay mas maaasahan sila kapag tinawag ng estado para depensahan ang bansa laban sa panlabas na puwersa.

“Ang mga retired police at military ay sanay talagang humawak ng armas at marami silang maitutulong sa panahon ng kalamidad kaya sila ang mas dapat nating sandalan. Pero magagawa lang natin ito kung may katiyakang kinakailangan pa rin sila ng estado hindi lamang sa pensiyon bagkus sa pagkakaroon ng ibang trabaho kahit wala na sila sa serbisyo,” sabi pa ni Sen Bam.

Pagbabalik ng ROTC
hungkag na kilos para
sa pagkamakabayan

ANG pagbabalik ng Reserve Officers Training Corps (ROTC) sa curriculum ng mga paaralan sa kolehio ay isang hungkag na kilos para maging makabayan ang mga estudyante sa kabila ng pagsuko ng admi­nis­trasyon sa mga dayuhang interes.

Ayon kay Ak­ba­yan Rep. Tom Villarin isa itong “empty act of patriotism” sa kabila ng pagta­likod ni Pangulong Rodrigo Duterte sa tungkulin na ipag­tanggol ang teritoryo ng bansa sa pag­sakop ng Tsina.

Nakababahala rin, aniya, dahil sa patuloy na paggamit ni Duterte sa militar para sugpuin ang manaka-nakang insidente ng karahasan.  Ayon kay Villarin, habang ang “state of national emergency” ay ipinatutupad sa buong bansa posibleng gamitin ni Duterte ang ROTC para sugpuin ang lehitimong kilos protesta. (G. BALDO)

About Gerry Baldo

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *