Friday , March 29 2024

Produ ng Kimmy Dora, lugi at ‘di nabawi ang ipinuhunan

HINDI itinanggi ng Spring Films producer na si Erickson Raymundo na nalungkot siya sa kinahinatnan ngKimmy Dora:  Ang Kyemeng Prequel ni Eugene Domingo dahil hindi na nga ito kumita ay hindi pa napansin sa nakaraang 39th Metro Manila Film Festival Awards.

Pero hindi raw ibig sabihin ay titigil na siya kasama ang partners niya sa Spring Films sa pagpo-produce ng pelikula, “kapag may magandang material, why not, pero as of now ay sa shows at concerts kami magko-concentrate,” paliwanag ng CEO ng Cornerstone Talent Agency.

Iisa lang ang tiniyak ni Erickson, ”hindi na siguro kami sasali sa Metro Manila Film Festival, kasi hindi siguro para sa ganoon ang pelikula namin.”

Ang Kimmy Dora franchise ang alam naming prinodyus ng Spring Films at ang dalawang nauna ay kumita raw nang husto ng mapanood ito sa regular showing.

Eh, bakit kasi isinali ang Kimmy Dora:  Ang Kyemeng Prequel sa MMFF?

“Eh, kasi feeling namin papatok, pero okay na rin, at least na-experience namin ang sumali sa Metro Manila Film Festival,” paliwanag ni Erickson sa amin.

At tanggap na rin daw ng Spring Films producer, “hindi pa nababawi ang puhunan.  Sana maka-break even man lang.”

Pero ang maganda raw ay itong Kimmy Dora lang ang tumagilid sa projects ng Cornerstone sa 2013 dahil halos lahat ng projects daw nila ay successful at sa katunayan buwan palang ng Setyembre ay na-meet na ang target sales nila.

“Okay na, bawing-bawi kami September palang kaya maganda ang 2013 namin at ngayong 2014, feeling ko, mas gaganda kasi marami kaming concerts ang naka-line-up.

“Like ‘yung repeat ng Bamboo and Yeng concert, may tatlong provincial shows na kami, wala palang sa Metro Manila, tapos may major concert pa si Sam (Milby) ng September, tapos may movies siya na dalawa at itong ‘Dyesebel’, so kay Sam palang okay na.

“Tapos may concert din si Erik Santos, si Richard Poon may major show din at may kasama siya na hindi pa puwedeng sabihin, so kumbaga marami kaming projects na naka-line up this 2014,” kuwento ng managers ng mga nabanggit na artista.

At sa katunayan ay kagagaling lang ni Erickson kasama ang buong Cornerstone staff ng Zambales para sa isang planning session for 2014.

Reggee Bonoan

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *