HATAW! D'yaryo ng Bayan hatawtabloid.com
BALIK-BG Productions International si Polo Ravales. Isa siya sa tampok sa pelikulang may working title na Hipnotismo. Uumpisahan na ngayong December ang horror-gothic film na ito ni Direk Joey Romero na kukunan ang ilang eksena sa Dumaguete.
Bukod kay Polo, ang pelikula ay pagbibidahan ng Kapamilya lead actress ng Kadenang Ginto na si Beauty Gonzales at Kapamilya hunk actor na si Enzo Pineda kasama si Ms. Universe 3rd Runner up Ariella Arida at Mr. World Philippines JB Saliva.
Ipinahayag ni Polo ang kagalakan na muli siyang gagawa sa movie company ni Ms. Baby Go.
Saad ng actor, “I’m so thankful na nakasama ako sa project and ito ‘yung second movie ko under BG Productions. The first was Balatkayo with Aiko Melendez, so kami ‘yung magka-partner noon and we shot it in Dubai. So ito ‘yung second film ko sa kanila and I’m so happy and thankful na cinast ako for this project.”
Okay lang ba sa kanya na suportahan ang mga new crop of stars and mas gusto niya ba na ganito ang takbo ng kanyang career?
“Well, I’m so happy na gumagawa ako ng mga roles na tulad nang ganito. Siyempre ‘di naman forever na alam mo ‘yun, lagi kang lead or lagi kang good boy sa isang show. So, siyempre when you mature and grow old, nag-iiba ‘yung roles na ibinibigay sa ‘yo. And I’m very happy and thankful na dumating ako sa point ng career ko na you know, I get to do character roles lalo na ‘yung mga ganito, you know, villains,” pahayag ni Polo.
Sa panig ng lady boss nilang si Ms. Baby Go, ipinahayag niyang excited na siya sa pelikulang ito dahil matagal na niyang dream gumawa ng horror movie. Ayon kay Ms. Baby, naniniwala siyang ito ang tamang formula para tangkilikin nang lahat, pati na ng millennials.
ALAM MO NA!
ni Nonie Nicasio
