Friday , March 29 2024
YANIG ni Bong Ramos
YANIG ni Bong Ramos

PNP internal cleansing mas epektibo kasama ang religous sector! (Attn: PNP PCR)

SERYOSO ang kampanya ng pulisya sa paglilinis ng kanilang bakuran at pagwawaksi sa mga tinaguriang pulis scalawags sa pamamagitan ng internal cleansing program sa hanay ng PNP.

Epektibo ang programa na nabawasan ang matutulis at maliligalig sa kanilang hanay. Mayroon rin naman nadamay lang sa sistema at naisahog sa listahan ng tapunan sa Mindanao na parte ng paglilinis sa hanay ng pulisya na inilatag ni C/PNP Director General Ronald “Bato” Dela Rosa.

Sa ating pananaw, base sa pakikipaghuntahan natin sa ilang mga opisyal sa PNP, mas maganda nga kung mamumulat ang pulisya sa Divine Intervention man lang o mas maganda ang pagkakaroon ng religious sector na magiging katuwang sa pagsasagawa ng internal cleansing.

Kumbaga habang nililinis ang kanilang bakuran ay nagkakaroon ng direksyon ang hanay ng pulisya kaugnay sa mga salita ng Diyos. Aral na maaaring ipatupad sa kanilang serbisyo at maaring ibahagi naman ng isang Police Community Relations (PCR) officer sa kanilang uganayan sa barangay.

Sa pamamagitan ng isang masigasig na religious sector na magsasagawa ng kahit regular na isang oras man lang na internal cleansing o Bible study ay maibabahagi sa mga pulis ang buhay ng isang indibidwal na mayroong Diyos sa kanilang puso tungo sa matuwid na pamumuhay at makataong serbisyo publiko.

Kung ang mga preso at mga drug surrenderee ay may moral uplifting program, ang pulisya at religious sector ay nararapat rin magkaroon nang ganyang programa lalo sa hanay ng police officers nang sa gayon ay maagang mamulat sa aral at salita ng Diyos.

YANIG – Bong Ramos

About Bong Ramos

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *