Friday , March 29 2024

Pinoy weightlifters humakot ng medalya sa Indonesia

SUSI  sa tagumpay ng apat na batang weightlifters ay ang determinasyon at tiyaga sa trainings kaya naman kuminang sila sa naganap na Pre-Youth and Youth Championships, Indonesia Weightlifting Champion­ships 2018, sa Bali, Indonesia.

Naimbitahan sina 14-anyos Vanessa Sarno, Rosegie Ramos, 15 at kapwa 17-anyos Jane Linette Hipolito at John Paolo Rivera Jr.sa nasabing event.

Apat na gold, limang silver at tatlong bronze medals ang inuwi ng Filipino weightlifters at kahit niyanig sila ng malakas na lindol ay nanatili ang kanilang lakas.

“Nagpursige kami sa trainings at nagtiyaga kaya nakakuha kami ng medalya,” saad ni Hipolito na nagwagi sa 58kg category women’s division sa binuhat na 71kg sa snatch event para sa pilak, 85kg sa  clean and jerk para sa pilak at pilak muli sa total at combined lift nito na kabuuang 156kg.

Humakot ng tatlong ginto ang taga Bohol Province na si Sarno sa 69kg category women’s division sa binuhat nito na 78kg sa snatch, 98kg sa clean and jerk para sa personal best nito na kabuuang 176kg. sa kanyang unang pagsali sa isang internasyonal na torneo.

Kinalawit naman ng taga-Pandacan, Manila na si Rivera Jr. ang tatlong tanso 56kg ng men’s division sa pagbuhat nito sa 96kg sa snatch event, 123kg sa clean at jerk at total 219kg.

 (ARABELA PRINCESS DAWA)

About Arabela Princess Dawa

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *