POSITIBO ang asawa ng isang Filipina nurse sa Riyadh, Saudi Arabia na gagaling pa ang kanyang kabiyak na kina-quarantine sa pinagtatrabahuan na ospital dahil hinihinalang nahawa ng Middle East Respiratory Syndrome-Corona Virus o MERS-CoV.
Sinabi ni alyas Toto ng Negros Occidental, sa kabila ng pagkakalagay ng kanyang misis sa Intensive Care Unit (ICU) at may tubo na inilagay sa baga ng kanyang asawa, malaki pa rin ang pag-asa niya na makare-recover pa dahil may isang Filipina nurse rin sa nasabing ospital ang nakabangon makaraan mahawa ng MERS-CoV.
Napag-alaman, may iba pang nurse sa nasa-bing pagamutan na kina-quarantine din dahil hinihinalang nahawa ng MERS-CoV at katulad ng misis ni alyas Toto, nakatalaga rin sila sa Emergency Room.