Friday , March 29 2024

PH powerlifting team kulang sa suporta

NANGHIHINAYANG sa isa pang oportunidad ang mga atleta ng Philippine Powerlifting Team sa pangunguna ni 18-year old Joan Masangkay – 43kg Junior division at 16-year old Veronica Ompod – 43 kg sub-junior division na pawang world record holder ng Filipinas sa larangan ng sports na Powerlifting dahil hindi sila pinondohan ng PSC (Philippine Sports Commission) para maipadala sa bansang Belarus sa gaganaping 2017 World Classic Powerlifting Championships.

Sinabi ni Masangkay tubong Masbate na nga-yon ay residente sa Quezon City,  malaki ang tsansang  maiuwi nila ni Veronica Ompod ng Leyte ang kampeonato sa world championships.

“Nalulungkot po kami ni Veronica kasi sa category po namin tig-apat na medalya po ang maiuuwi po namin, ‘yun pong sa Squat competition, Bench Press competition, Deadlift competition, at ‘yun pong sa Total.   Malaki po ang tsansa na makapag-uwi  kami ng gold medal e talagang pinaghandaan  namin nang husto ang laban na ito para  sa ating bansa,  para  kahit paano po ay maibsan din ang lungkot ni President Duterte sa nangyayari ngayon sa ating bansa tulad po ng nangyayaring gulo sa Marawi City.  At least po kung makapag-uuwi po kami ng kara-ngalan dito po sa Filipinas ay matutuwa po si President Duterte,”  pahayag ni Masangkay.

Nalungkot ang iba pa nilang teammates na sina 17-year old Jeremy Reign Bautista, 57kg sub-junior; 14-year old Jessa Mae Tabuan, 43kg sub-junior; at Leslie Evangelista, 47kg open division na puspusan din ang paghahanda para sa nasabing competition.

Hindi makakaila na isa sa pinakamagaling na sports ng Filipinas sa ngayon ang Powerlifting na noong nakaraang taon ay nakapagtala ng World Record si Masangkay sa 43kg sub-junior division at nakapag-uwi ng isang gold medal sa deadlift at isang Bronze medal sa Squat at ganoon din si Ompod na tumangay  rin ng gold medal sa Squat competition at ito lamang nakaraang Abril sa Asian Championships ay  nakapag-uwi ang Philippine Powerlifting team ng 18 Golds, 15 Silvers, 25 Bronzes, sa kabuuang  58 medals.

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *