Friday , March 29 2024

PCSO chair nagbitiw

NAGBITIW sa puwesto si Philippine Charity Sweepstakes Office chairman Jose Jorge Elizalde Corpuz, ayon sa ulat ng  Malacañang nitong Biyernes.

Sinabi ni Presidential spokesman Harry Roque, si Corpuz ay nagbitiw dahil sa kalagayan ng kanyang kalusugan.

Gayonman, hindi niya binanggit ang hinggil sa kalagayan ng kalusugan ni Corpuz.

Ngunit agad inilinaw ni Roque, hindi si Corpuz ang opisyal na binanggit ni Duterte na kanyang si-sibakin.

Nitong Huwebes, si-nabi ni Duterte na may isa pang chairman ng ahensiya ang kanyang sisibakin, kasama ng ilang police official, kabilang ang tatlong heneral.

Sinabi ni Roque sa press briefing sa Malacañang, maaaring isiwalat ni Duterte ang pagkakakilanlan ng chairman na susunod niyang sisibakin, dakong hapon nitong Biyernes.

Si Corpuz ay nagbitiw makaraan ibunyag ni PCSO board member Sandra Cam, ang tinagurian niyang bonggang Christmas party ng ahensiya sa isang mamahaling hotel sa Mandalu-yong nitong Disyembre.

Sinabi ni Cam, ang PCSO ay gumastos ng halos P10 milyon sa party na ginanap sa EDSA Shangri-la Hotel.

Ngunit sinabi ni PCSO general manager Alexander Balutan, ang gastos ay umabot lamang ng P6 milyon sa kabila ng P14 milyon budget para sa nasabing party.

Bukod sa Christmas party controversy, ibinun-yag din ni Cam na karamihan umano sa small town lottery operators ng PCSO ay ginagamit ang STL bilang front ng kanilang sari-ling illegal jueteng operations.

Pahayag ni Digong
CHAIRPERSON,
3 GENERALS, 49 PULIS
SISIBAKIN

INIHAYAG ni Pangulong Rodrigo Duterte ang nakatakda niyang pagsibak sa pinuno ng isang ahensiya, tatlong heneral at 49 pulis sa susunod na mga araw bilang bahagi ng kanyang kampanya laban sa korupsiyon sa kanyang administrasyon.

“I am in the thick of firing people. I intend to fire another maybe 70 or 49 policemen and three generals for corruption… In the next few days, this is really a purging regime,” pahayag niya nitong Huwebes.

“I am firing another chairman of an entity in government maybe this week and another set of mga policemen,” aniya, idinagdag na maaaring ilaan niya ang nalalabing apat na taon sa posisyon sa paglilinis laban sa korupsiyon sa pamahalaan.

Sinabi ni Presidential Spokesperson Harry Roque nitong Biyernes, papalitan ni Duterte ang chairman ng isang government-owned and controlled corporation.

“It would appear that there’s a second chairman who may be replaced because of graft,” pahayag niya sa mga reporter sa press briefing sa Bukidnon.

Magugunitang ilang opisyal ng gobyerno ang sinibak ni Duterte dahil sa sinasabing unnecessary trips sa abroad, kabilang sina dating Dangerous Drugs Board chief Dionisio Santiago, Presidential Commission for the Urban Poor chief Terry Ridon, at Maritime Industry Authority Administrator Marcial Amaro III.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *