Friday , March 29 2024
Bulabugin ni Jerry Yap
Bulabugin ni Jerry Yap

P226-M relief goods para sa bakwit ng Marawi overpriced

MINANIPULA ng magkakapatid na jail director, congresswoman, at supermarket owner ang P226 milyong relief goods na dapat ipamahagi sa mga bakwit ng Marawi.

Nabisto mismo ni Atty. Berteni Causing ang pagmamanipula ng magkakaanak na nagkataong may impluwensiya at nasa kapangyarihan sa nasabing lungsod sa Mindanao.

Para kay Atty. Causing, ito ay klarong pagnanakaw sa kaban ng bayan at sa karapatan ng mga bakwit na makatanggap ng tamang relief goods na inilaan sa kanila.

Tahasang tinutukoy ni Atty. Causing na ang magkaksabwat rito ay sina Jail Director Taha, congressman Dinand at ang kapatid na isang Ma. Virginia na sinabing nagmamay-ari ng Tacurong Fitmart Mall Inc., na ibinenta ang P318 worth of goods sa overpriced amount na p515.

Sa ngayon ay nahaharap sa kaso sa Ombudsman ang tatlong opisyal.

Katuwiran nila, wala silang ‘ninakaw’ dahil naipamigay nila ang mga relief goods sa bakwit.

Pero simple lang po ang sagot: ang isyu rito ay hindi ‘yung namigay ba sila o hindi ng relief goods kundi ang presyo ng iniulat nilang relief goods (set B box) ay nagkakahalaga ng P515, pero sa aktuwal na presyo ay P318 lamang.

Ibig sabihin mayroong patong na P197 bawat box.

Hindi lang ‘yan may nabiling Turmeric 125 grams si Atty. Causing na mas mura at mas malaki sa 50 grams na ipinamahagi rin aksama ng relief goods.

Dahil maimpluwensiya at makapangya­rihan, sinasabi ng mga nasabing opisyal na naninira lang si Atty. Causing.

Kung sinabi nilang naninira, pinaka­mainam na sagutin na lang nila sa Ombudsman ang kaso at doon nila ipagtanggol ang kanilang sarili.

Ang akusasyon na dapat nilang sagutin ay kinasasangkutan ng P226 milyon pondo ng gobyerno.

Hindi dapat isumbat ng mga nasasangkot na opisyal na tinutulungan nila ang mga bakwit. Angpagbibigay ng ayuda sa kanila ay kanilang tungkulin at doon sila sinusu­weldohan ng pamahalaan.

Nakalulungkot na kung sino pa ‘yung mga kababayan nating higit na nangangailangan ng tulong ay sila pa ang nagagamit at napag­sasa­mantalahan lalao na ‘yung mga nasa malayong probinsiya.

Mabuti na lamang at mayroong isang Atty. Causing na handang ibunyag ang ganitong mga Gawain.

Padayon Toto!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *