Friday , March 29 2024
Lawton park illegal parking MMDA HPG LTO LTFRB
Lawton park illegal parking MMDA HPG LTO LTFRB

P2.88-M ‘kulangot’ sa illegal terminal operator

KUNG totoo ang narinig nating kuwentahan ng ‘bata’ ng isang illegal terminal operator sa Maynila na ang hatag nila ay tig-P10,000 hanggang P250,000 kada linggo, ibig sabihin ‘sumasalok’ sila nang milyon-milyong kuwarta sa kanilang ilegal na gawain.

Huwag na nating lakihan, gawin na lang nating eksampol ‘yung P10,000 kada linggo.

‘Yung P10,000 x 4 weeks x 12 months x 6 years = P2,880,000.

Wattafak!

Milyon-milyones pala talaga ‘yan. Isa lang ‘yan ha? E ilan ang naha­hatagan? At pinakamababa ‘yang P10,000 kada linggo. Mayroong P25,000. Mayroong 50,000, P100,000 hanggang P250,000 nga.

Bakit anim na taon?

“E kasi, depende ‘yan sa term ng nakaupong mayor,” amin ng naghahatag.

Swak!

Ganoon pala ‘yun.

Kaya naman pala, ganoon na lang ang panggagalaiti ng operator ng isang malaking illegal terminal sa Maynila kapag nabubusisi ang kanilang raket!

No wonder din kung bakit kailangan mag-alaga ng goons para maging bodyguard.

At kapag may asunto, gumagapang din ang kuwarta ng illegal terminal operator lalo na kapag na-dismiss ang kaso.

Sukdulang areglohin pati bossing ng piskalya — ‘yan ang ipinangangalandakan nila.

Hindi na tayo nagtataka kung bakit huminto ang operation ng Metropolitan Manila Develop­ment Authority (MMDA) laban sa pinakama­laking illegal terminal sa Maynila.

At ang mismong PCP sa lugar nito ay pakuya-kuyakoy kahit nagkalat maging ang kolorum na mga sasakyan at illegal vendors.

‘Millions’ is the name of the game.

Dahil eleksiyon ngayon, tiyak na tumotosgas din ang operator ng pinakamalaking illegal terminal sa Maynila. Malamang lahat tinayaan.

Puwedeng alam ng mga kandidato ‘yan. Puwede namang ‘yung mga ‘bagman’ lang nila ang nakaaalam. Puwede rin namang sa ‘bag­man’ na lang nakaaabot ‘yan.

Kaya pagkatapos ng eleksiyon, may nata­talong kandidato pero panalong-panalo ang ‘bagman.’

‘Yan ang sinasabing dahilan kung bakit maraming ‘padrino’ ang operator ng malaking illegal terminal sa Maynila.

Alam niya kung sino ang ‘anay’ na puwede niyang hatagan para lumikha ng bukbok na unti-unting sisira sa imahen ng isang ‘bossing’ sa isang ahensiya ng pamahalaan — lokal man o nasyonal.

Ganyan kalalim ang nararating ng kinikitang milyones ng operator ng pinakamalaking illegal terminal sa Maynila.

Kaya ‘yung kuwentadang P2.88 milyones, kulangot na kulangot ‘yan na puwedeng naibul­sa pa ng utusang tagahatag.

Ngayon, magtataka pa ba kayo kung bakit hindi mawalis-walis ang pinakamalaking illegal terminal sa Maynila?!

Tiyak na may mawawalan ng ligaya sa buhay!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *