Friday , March 29 2024
Filipino Panitikan CHED
Filipino Panitikan CHED

Oral argument hamon ng Tanggol Wika sa SC (Sa isyu ng tanggal wikang Filipino at Panitikan)

HALOS 10,000 guro ang maaapektohan kung tuluyang ipatu­tupad ng Commission on Higher Education (CHED) ang pinagtibay ng Korte Suprema na Memoramdum 20 na nag-aalis sa Panitikan at Wikang Filipino sa kolehiyo.

Mariin itong tinu­tulan ng Tanggol Wika at ng ACT Teacher Party-list kaya nagsu­mite sila sa Korte Su­prema ng motion for reconsideration sa kata­as-taasang huku­man at humiling na magsagawa ng oral argument upang muling mapag-usapan ang naturang isyu.

Inilinaw ni David Michael San Juan, con­venor ng Tanggol Wika, ang pagtatanggal ng wi­kang Filipino at Panitikan sa kolehiyo, hindi lamang magpa­pababa sa kaalaman ng mga mag-aaral sa usa­pin ng wika kundi nag­papakita rin ng kawalan ng paggalang at pagma­mahal sa bayan.

Ayon sa ACT Teachers party-list, nag­hahanda na ang Maka­bayan bloc na magsumite ng petisyon na magka­roon ng mandatory 9 units sa kolehiyo ang mga mag-aaral upang matiyak na magtutuloy-tuloy ang pagpapalawig ng kaa­laman sa sariling wika.

Sinabi ni Rep. France Castro ng ACT Teachers party-list, bagama’t may tinatawag na general subject pa rin sa kolehiyo o yaong mga subject na hango sa high school o dala-dala at itinuturo hanggang kolehiyo gaya ng Math, English at Science, ang Filipino at Panitikan bilang bahagi ng general subject ay dapat rin ipagpatuloy.

Hindi anila mako­kompleto ang basic sub­ject kung maiiwan ang sariling wika na mag­papabilis upang umun­lad at magka­unawaan ang bawat Filipino.

Diin ng Tanggol Wika, nakadetalye sa kanilang mosyon kung ano ang kaibahan ng pagtuturo sa sekundarya at kolehiyo sa usapin ng Panitikan at wikang Filipino.

Ayon kay San Juan, nangangamba ang grupo kung magiging optional sa bawat pa­aralan ang pagtuturo ng wikang Filipino at Panitikan, o tuluyan nang mawawala sa kolehiyo. Nitong 9 Oktu­bre, pinag­tibay ng Korte Suprema ang CHED Memorandum Order No. 20 na nagli­limita sa General Edu­cation Curriculum sa mini­mum na 36 units na ang epekto ay pagta­tanggal ng Wikang Filipino at Panitikan sa kolehiyo.  (BONG SON)

About Bong Son

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *