Friday , March 29 2024

Operation linis sa Baclaran

Dragon LadySINIMULAN na ang clearing operation sa Baclaran, Parañaque. Wala na ang illegal vendors na pinagbigyan noong panahon ng kapaskuhan na makapagtinda nang sa gayon ay maging maganda rin ang pagdiriwang nila ng kanilang pamilya.

Ngunit ang lahat ay may katapusan, kaya tapos na ang kanilang maliligayang araw.

***

Pero teka, may matitigas pa rin ang ulo, gamit ang may gulong na lalagyan ng kanilang paninda na nakabitin at naka-hanger ang mga damit na paninda. Kapag natanaw na padating na ang mga tauhan ng operation clearing ay kanya-kanyang tulak ng mga paninda na de gulong at kanya-kanya ring pasok sa mga eskinita. Talagang madidiskarte ang illegal vendors!

***

Problema lang kapag nagtakbuhan ang mga de gulong, walang pakialam kung may masagasaan na tao, hindi nakatutuwa! Dapat siguro ay kompiskahin ang mga de gulong na sabitan ng mga paninda!

***

Mahigpit ang direktiba ni Mayor Edwin Olivarez sa paglilinis ng Baclaran, at kanyang inatasan si City Administrator Ding Soriano, kasama ang pulisya na nagmamantina ng clearing operations.

***

Tapos na ang araw ng kapaskuhan, puwede nang mamahinga muna ang precinct commander ng Baclaran. Mantakin ninyo, P1,000 piso ang “goodwill money” ng bawat nagtindang vendors. Sa dami ng vendors, hindi na madaanan ang kalsada, kahit bisikleta ay hirap! Masaya ang naging Pasko ni PCP Baclaran commander!

***

Biniro ako ng isang kasamahan kong photographer, gusto raw akong makilala at biglang ideyt ng precinct commander, matapos natin kurutin sa kolum na ito. Sagot ko sa ating kaibigan, kaya kong kumain galing sa aking pinagpawisan! Bibig-yan daw ako ng regalong rice cooker… sagot ko, ‘di bale na lang baka may complainant! Buti na lang ‘di natuloy, baka ihampas ko pa sa ulo niya!

***

Ang Baclaran ay ‘bigasan’ ng mga tiwaling opis-yal. Maraming yumaman sa lugar na ito! Matagal nang problema ang lugar na ito sapol pa ng mga naunang administrasyon. Buti na lang ay may proyektong gagawin ang administrasyong Olivarez, malapit nang malutas ang problema dito, ‘di ba Admin Soriano?

ISUMBONG MO KAY DRAGON LADY – Amor Virata

About Amor Virata

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *