Friday , March 29 2024
dead gun police

Negosyante utas sa ambush sa Subic, Bodyguard sugatan

CAMP OLIVAS, Pampa­nga – Patay ang isang negosyante habang sugatan ang kaniyang bodyguard makaraan pagbabarilin ng isang armadong lalaking lulan ng motorsiklo sa tinu­tulu­yang hotel sa Subic Freeport Zone, kamakalawa ng gabi.

Kinilala ang biktimang napatay na si Dominic Sytin, 51, nakatira sa 45 Swallow Drive, Green Meadows, Quezon City, prominenteng negosyante. Habang suga­tan ang kaniyang body­guard na si Efren Espartero, 45, ng nabanggit ding lugar.

Mabilis na nakatakas ang ‘di kilalang gunman patu­ngong SBMA Kalaklan Gate, sakay ng motorsiklong itim na Mio.

Ayon sa ipinadalang report ng Olongapo PNP, nangyari ang insidente sa Lighthouse Hotel sa Water­front Road ng nasabing lugar bandang 7:30 ng gabi.

Papasok ang biktima nang biglang binaril ng suspek sa bandang likod at kaliwang bahagi ng ulo na nagresulta sa agaran niyang pagkamatay.

Habang tinamaan ng ba­la sa kamay at katawan ang kanyang bodyguard na binaril din ng suspek.

 (RAUL SUSCANO)

AMBUSH KAY SYTIN
KINONDENA NG SENATORS

KINONDENA nang ilang  senador ang pamamaril sa labas ng hotel sa Subic bay freeport sa businessman na si Dominic Sytin, ang pre­sidente at founder ng United Auctioneers, ng dalawang riding-in-tandem.

Sinabi ni Senate Majority Leader Juan Miguel Zubiri, kilala ng mga senador si Sytin at kasama ang nego­s-yante sa  kanilang viber group, kabilang ang ilang cabinet secretaries.

Sa kanilang viber group ay nagpahayag ng pagkon­dena at pagkalungkot sina Senadora Grace Poe at Senador Ralph Recto, na maghahain ng resolusyon sa Lunes para kalampagin ang Philippine National Police (PNP) na habulin at hulihin ang mga suspek sa pagpa­tay kay Sytin.

Ayon kay Zubiri, maging si Executive Secretary Salvador Medialdea ay agad nakipag-coordinate kay PNP chief, Director General Oscar Albayalde at sa pamunuan ng Subic, nang mabalitaan ang insidente.

Agad nagsagawa nang mahigpit na seguridad at ini-lock down ang lahat na lagusan sa Subic.

(CYNTHIA MARTIN)

 

About Raul Suscano

Check Also

Seguridad sa mga simbahan para sa bisita iglesa tiniyak ni MPD chief

Seguridad sa mga simbahan para sa bisita iglesa tiniyak ni MPD chief!

PERSONAL na naglibot sa ibat-ibang Simbahan si MPD Director PBGen Arnold Thomas Ibay at ininspeksyon …

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *