Friday , March 29 2024

Nangangapa pa ang mga imports

MATAPOS na matalo sa kanilang unang laro kung saan hindi nakasama ang kanilang import na si Rob Dozier na may injury sa paa, rumatsada na rin ang Alaska Mik.

Nagposte ng magkasunod na tagumay ang Aces kontra sa dalawang teams na nagharap sa Finals ng Commissioner’s Cup noong nakaraang season.

Naungusan nila ang defending champion Tropang TNT,  at pagkatapos ay tinambakan nila ang runner-up Rain or Shine, 120-102.

Well, may nagsasabing hindi naman daw full potential ang Tropang TNT at Rain Or Shine dahil sa nangangapa pa sa kanilang bagong imports. Nang makaharap ng Aces ang Tropang Texters ay unang game lang iyon ni David Simon.

Pero unang game lang din iyon ng import ng Alaska na si Shane Edwards na pansamantalang kahalili ni Dozier. So, kung tutuusin ay mas ay bentahe nga ang Tropang TNT dahil sa si Simon ay kapalit ni Ivan Johnson. Si Edwards ay temporary lang.

Laban sa  Rain or Shine, aba’y pangalawang game na iyon ng bagong import na si Antoine Wright na humalili naman kay Wayne Chism na nagpapagaling sa injury.

So tabla-tabla lang ang Aces at Elasto Painters. pero suwerte naman ng Alaska Milk noong Sabado dahil sa napakataas ng shoting percentage nila. Abaý pati si Sonny Thoss nga ay nakapagbuslo ng three-point shot!

Kelan ba tumira ng three-point shot yun?

Hindi talaga tatalunin ng kahit na anong team ang Alaska Milk sa gabing iyon.    Pero siyempre, umaasa si coach Alex Compton na hindi mauubos ang suwerte ng Aces at magtutuloy-tuloy ulit sila hanggang sa Finals. Ar sakaling makarating sila sa championship round ay makakamit na rin nila ang titulo.

Hanggang ngayon kasi ay naninikip pa rin ang dibdib ng Aces sa panghihinayang sa nangyari sa kanila sa nakaraang Philippine Cup kung saan matapos na lumamang ng  3-0 kontra sa San Miguel Beer ay natalo sila sa huling apat na games at sumegunda na naman.

Hanggang ngayon ay hinahanap pa rin ni Compton ang kanyang unang championship sa PBA. At baka kapag hindi pa rin niya nakuha iyon ay mawalan na siya ng tsansang makamit pa iyon ever!

SPORTS SHOCKED – Sabrina Pascua

About Sabrina Pascua

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *