Thursday , March 28 2024

Nagpulot-gata sa Maldives ‘inangkin’ ng dagat (Mag-asawang nurse na high school sweethearts)

TRAHEDYA ang kinau­wian ng pag-ibig ng mag-asawang overseas Filipino workers (OFWs) na piniling magpulot-gata sa Maldives mata­pos ang kanilang kasal dalawang linggo na ang nakararaan.

Kinilala ang mag-asawang high school sweethearts na sina Leomer at Erika Joyce Lagradilla na ikinasal bago matapos ang taong 2018

Ayon sa mga kaanak at kaibigan, high school sweethearts at 10 taong naging magkasintahan ang dalawa.

Parehong nurse ang dalawa na piniling mag­trabaho sa ibang bansa upang masuportahan ang kani-kanilang pa­milya.

Sa Singapore piniling magtrabaho ni Leomer at sa Riyadh, Saudi Arabia naman nagtrabaho si Erika Joyce.

Noong 11 Enero, lu­mipad ang dalawa pa­tungong Maldives na ayon sa kapatid ni Leomer na si Mhapolle ay kanilang dream destination.

Sa kasamaang palad, sa paraiso ding iyon naka­salubong ng magsing-irog ang kamatayan.

Noong Linggom iniu­lat sa lokal na TV station sa Maldives na RaajjeMV, dalawang turista ang nalunod sa isla ng Dhifus­shi sa Kaafu atoll.

Idineklarang dead-on-arrival ang mag-asawa sa ospital ng Dhiffushi ayon sa ulat ng Maldives Police Service.

Nakikiramay ang Depart­­ment of Foreign Affairs sa pamilya ng mag-asawa at tiniyak na tutulong sa pagpapauwi ng mga labi ng mag-asawa.

Sinabi ng isang taga-isla na unang nalunod si Leomar habang sila ay nag-i-snorkeling saman­tala humingi ng tulong si Erika Joyce.

Ngunit nang abutan ng dinghy o maliit na bang­ka ang dalawa, pare­ho na silang hindi guma­galaw at nakalutang na lamang sa ibabaw ng tubig.

Sinabi ng DFA sa kanilang pahayag na inu­tusan na nila ang Philip­pine Embassy sa Dhaka na may huris­diksiyon sa Maldives, na makipag-ugnayan sa mga awtori­dad ng isla upang maiuwi na ang mga labi ng mag-asawa.

Samantala, humi­hingi ng tulong ang mga kaanak at mga kaibi­gan ng bagong kasal na makakolekta ng ma­higit isang milyong piso o P634,000 kada isa na dapat bayaran upang maibalik sa bansa ang kanila mga labi.

Ayon sa Facebook post ng isang kaibigan ng mag-asawa na si Nikko Quiogue, sinagot ng employer ni Leomar ang gastusin para sa pagpa­pauwi ng kaniyang labi kaya ang patuloy binu­buo nilang halaga ay para sa labi ni Erika Joyce. (JAJA GARCIA/KARLA LORENA G. OROZCO)

About Jaja Garcia

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *