Friday , March 29 2024

Nacionalista Party handa nang sumabak sa 2016

080914_FRONT
LALO pang pinaigting ang tibay ng Nacionalista Party sa Camarines Sur matapos sumapi ang marami pang miyembro kabilang ang ilang dating nasa partido ng administrasyon, ang Liberal Party.

Noong Huwebes, sinaksihan nina Senador Cynthia Villar at Ferdinand “Bongbong” Marcos ang pormal na oath-taking ceremony ng mga bagong NP members na pinangunahan ni NP provincial chairman at dating Gobernador LRay Villafuerte.

“Ito ay bahagi ng aming consolidation process sa layuning lalo pang mapalakas ang aming hanay bilang paghahanda sa eleksiyon sa 2016,” ani Marcos.

Ayon  kay Villafuerte, ang panunumpa ng mga bagong kasapi ng partido ay nagbigay-daan para maging solido ang liderato ng pamahalaang pamprobinsiya na ang gobernador hanggang mga Bokal ay miyembro ng NP.

“Ipinapakita lamang nito na ang Nacionalista Party ang pinaka-organisadong partido sa aming lalawigan,” diin ni Villafuerte.

Ito ang kauna-unahang pagkakataon sa kasaysayan ng politika sa Camarines na lahat ng mga lokal na lider ay mula sa iisang partido.

“Kami ay naniniwala na ang  mga lider na mula pa sa ibang partido sa Cam Sur ay lumilipat sa NP dahil batid nilang sa ilalim ng aming partido, nakatitiyak sila ng mas sigurado at mas mabilis na serbisyo para sa kanilang mga nasasakupan,” ani Villafuerte.

Kabilang sa mga bagong NP members ay apat na incumbent mayors, 5 vice mayor, 3 board member, at daan-daang konsehal at mga kapitan ng barangay.

Kinatigan ni Villafuerte ang pahayag ni Marcos na ang naturang konsolidasyon ay paghahanda para sa darating na halalan. Ang anak ni Villafuerte na si Miguel ang kasalukuyang gobernador doon.

Sina Marcos at Senador Alan Peter Cayetano ay nabibilang sa maaaring maging standard bearer ng partido.

“Ngunit sa ngayon ay masyado pang maaga para tiyakin natin, maaari pa rin naman kaming magkaroon ng alyansa sa ibang partido,” ayon sa NP official.

Sa isang panayam kay Villar sa Libmanan, sinabi niyang ang kanyang asawang si dating Senador Manny Villar ay hindi na interesado sa pagkapangulo.

Ang NP ang pinakamatandang partido politikal sa Filipinas at sa buong Asya.

HATAW News Team

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Leave a Reply

Your email address will not be published. Required fields are marked *