Saturday , April 20 2024

Letran, umiskor ng unang panalo (San Beda, bumalikwas)

 

KAAGAD nakabalik sa dating bangis at angas ang San Beda Red Lions nang lapain ang College of St. Benilde Blazers habang nakaiskor sa wakas ng unang panalo ang Letran Knights kontra Emilio Aguinaldo College Generals, 83-80 sa umaatikabong NCAA Season 93 kahapon sa San Juan.

Kagagaling sa mapait na pagkatalo kontra Lyceum noong nakaraang linggo, ibinuhos ng Red Lions sa Blazers ang kanilang buong ngitngit nang umabot pa ang tambak hanggang 29 puntos tungo sa 2-1 kartada sa likod ng lider na Pirates (2-0).

Binanderahan ni Javee Mocon ang balanseng atake ng Red Lions sa kanyang 12 puntos, 8 rebounds at 5 assists habang may tig-9 na puntos sina Robert Bolick at AC Soberano. May 11 rebounds at 6 na assists din si Bolick.

Samantala, tanging si Clement Leutcheu ang nakapagpakitang-gilas sa 10 puntos at 5 rebounds para sa Blazers na nahulog sa 1-2 kartada.

Samantala sa unang laro, binura ng Letran ang maagang 16 puntos na pagkakaiwan kontra sa Emilio Aguinaldo College para itarak ang kanilang unang panalo sa torneo.

Kumamada ng 15 puntos si Jeo Ambohot habang kumana ng tig-14 puntos sina Bong Quinto, Jeremiah Taladua at Rey Nambatac para sa Letran na umangat sa 1-1.

Nauwi sa wala ang 22 puntos ni Francis Munsayac gayondin ang halimaw na 20 puntos at 18 rebounds ni Sydney Onwubere para sa EAC na dumulas sa 1-1 ding marka. (JBU)

 

About John Bryan Ulanday

Check Also

NYBL Butz Arimado TOPS PSC

NYBL Inter-Cities lalarga sa Mayo 4

ISASAGAWA ng National Youth Basketball League (NYBL) ang 2nd Inter-Cities and Municipalities basketball championship  sa …

Philippine athletics TOPS PSC

Philippine athletics meet tatakbo na

Manila — Inilalagay ng Philippine Athletics Track and Field Association ang kanilang pinakamahuhusay na atleta …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Leave a Reply

Your email address will not be published. Required fields are marked *