Wednesday , February 20 2019
Breaking News
You are here: Home / News / Laborer binoga sa Taguig
Laborer binoga sa Taguig

Laborer binoga sa Taguig

ISANG 39-anyos na construction worker ang sugatan nang barilin ng isa sa dalawang suspek na nakasuot ng bonnet mask sa Taguig City, nitong Linggo ng  gabi.

Ginamot sa Taguig-Pateros District Hospital ang biktimang si Abdul Adil, may asawa, tubong Maguindanao, residente sa Barangay Maharlika Village, Taguig City, sanhi ng tama ng bala sa tiyan at kaliwang braso mula sa hindi pa batid na kalibre ng baril.

Inaalam ng mga awtoridad ang pagkakakilanlan ng dalawang gunman.

Base sa ulat ng Southern Police District (SPD), naganap ang pamamaril sa outpost ng Barangay Security Force na matatagpuan sa 42 Mindanao Avenue panulukan ng Rogan St., Maharlika Village sa nasabing lungsod, dakong 7:56 pm.

Sa inisyal na imbestigasyon nina SPO3 Cornelio Diones at PO3 Morced Lagensay ng Taguig City Police, nakaupo ang biktima sa barangay outpost nang lapitan ng isa sa dalawang suspek na nakasuot ng bonnet mask saka binaril ang biktima.

Tumakas ang dalawang suspek sa hindi matukoy na direksiyon dala ang baril na ginamit sa pamamaril.

Dinala ng mga tanod ang biktima sa naturang pagamutan para lapatan ng lunas.

Nagsasagawa ng follow-up operation ang mga pulis at sinisiyasat ang motibo sa insidente. (JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top