Thursday , March 28 2024
Bulabugin ni Jerry Yap
Bulabugin ni Jerry Yap

Kung mai-impeach si VP Leni Robredo (Sen. Koko puwedeng masikwat ang VP)

KAYA maraming political strategist ang nagpaparaktis at nagpapaka-henyo rito sa ating bansang Filipinas dahil kakaiba talaga ang takbo ng mga politiko rito.

May nagsampa  ng impeachment kay Pangulong Rodrigo “Digong” Duterte. Pero nabisto agad na ang promotor ay dilaw na kulto kasabwat umano ang nagpopondo kay Madam Leni na sina Loida Nicolas Lewis at George Soros.

At dahil ito ay malinaw na pakikipagsabwatan umano para pabagsakin ang administrasyon ni Pangulong Digong, kaya binuweltahan ‘este sinampahan naman ng impeachment ni Speaker of the House Pantaleon Alvarez si VP Leni.

Hindi naman kasi natin maintindihan kung bakit ganyan ang politika sa ating bansa.

Sinuportahan at ibinoto ng 16 milyong Filipino ang ating Pangulo. Hanggang ngayon, kahit maraming umuupak sa kanyang drug war ay hindi nagbabago ang pagtingin sa kanya ng mga sumuporta at bumoto.

Kahit sunod-sunod pa ang tirada ng mga international human rights group kuno.

032117 koko leni bongbong

Hindi nagbabago ang pagtingin at paghanga sa kanya ng 16 milyong Filipino na bumoto sa kanya.

Kaya hindi natin maintindihan kung bakit walang tigil at walang puknat ang pagnanasa ng dilaw na kulto sa pangunguna ng Liberal Party na ibagsak ang administrasyon ni Duterte.

Iniisip tuloy natin na ninenerbiyos ang mga nasa dilaw na kulto lalo ngayong nalalantad na ang mga katiwalian sa iba’t ibang ahensiya ng pamahalaan noong panahon ng dating administrasyon.

Kaya nagmamadali silang ‘tapusin’ ang administrasyon ni Tatay Digs.

Aba ‘e kapag nagkataon, uupong bise presidente (raw) si Senate President Aquilino “Koko” Pimentel III maliban kung hindi magpapatawag ng eleksiyon para sa bise presidente.

At ‘yan ‘e kung ma-impeach si Madam Leni.

How about the protest of Senator Bongbong Marcos? Papayag ba siyang walang mangyari sa protestang inihain niya sa Presidential Electoral Tribunal (PET)?

Siyempre hindi.

Kung ano ang susunod na kaganapan sa Impeach Leni ni Speaker Alvarez…

‘Yan ang aabangan nating lahat!

LIFE IN GUAM
IS VERY PACIFIC

032117 Guam

Nasa Western Pacific Ocean ang Guam. Isang maliit na isla na ngayon ay deklaradong sakop ng teritoryo ng Estados Unidos.

Nitong nakaraang weekend, isinama tayo ng isang kaanak sa Guam, bilang isang regalo.

Kung ikokompara rito sa ating bansa, parang Subic Bay lang ang Guam. Isang tahimik, higit na malinis, maunlad at mapayapang Subic.

Halos magkapitbahay lang ang Hawaii at Guam. Ang Hawaii ang 50th state ng Amerika, kaya marami ang naniniwala na kung magkakaroon ng 51st o 52nd state, Guam ang nararapat para rito.

Pero mayroong mithiin ang Guam na maging independiyenteng teritoryo, gaya sa Northern Marianas Islands. Kung hindi tayo nagkakamali ay tinatalakay ngayon ito sa US Congress.

Historically, ang Guam ay ibinilang ni Ferdinand Magallanes (Magellan) bilang bahagi ng Filipinas nang sakupin nila ito. Pero nang ipagbili ng España ang Filipinas sa Amerika, isinama ng mga Kano ang Guam bilang kanila.

Narito ngayon ang isa sa mga estratehikong US Military Base ng kanilang bansa.

Ang kapitolyo nito ay Hagatna (Hagana). Kapag nasa Guam, hindi maninibago ang isang Pinoy.

Marami kasing Filipino ang doon na naninirahan sa mahabang panahon.

Mula sa Airport hanggang sa mga hotel, makikita ang mga pamilyar na mukha ng mga Pinoy.

Ang mga nagmamaneho roon ng taxi karamihan ay Pinoy. Sila rin ang may-ari ng minamaneho nilang taxi.

Isa  sa mga nakausap natin ay halos 25 years na siyang naninirahan doon. At gusto nila ang buhay doon. Simpleng-simple.

Napag-aaral ang kanilang mga anak sa mga pribadong paaralan at maayos ang sistema ng kalusugan. Kung wala kang trabaho ay may food coupon ka kada buwan. At ihahanap ka ng gob-yerno ng trabahong akma sa ‘yo.

Hindi magulo dahil halos walang krimen.

Sino ba naman ang magtatangkang gumawa ng krimen doon ‘e madali lang mahuhuli ng mga awtoridad. Baka hindi pa nakararating sa Airport o sa Pier ‘e huli na agad.

Kaya ang mga pulis doon, nasa estasyon lang nila basta’t ang importante madali silang magresponde.

Hindi rin magulo ang politika nila.

Inirerespeto nila kung sino ang ibinoto ng majority at nagkakamayan matapos ang eleksiyon. Hindi kagaya rito sa ating bansa, matagal nang tapos ang eleksiyon ay nagbabanatan at nagbabangayan pa rin.

Kaya hindi tayo nagtataka kung bakit ang mga Pinoy na napadpad doon ay hindi na nangangarap na bumalik pa sa Filipinas…

Ang buhay sa Guam ay kasing payapa ng Pacific Ocean.

Bo. OBRERO ISTAMBAYAN
AT DINARAYO NG MGA GANG
YOUTH NG HERMOSA!

GOOD pm sir, pakibulabog naman po ang mga barangay dito sa aming lugar sa R. Papa gaya sa Brgy. 187 Zone 17 at mga katabing brgy na boundary ng Caloocan at Maynila sir. Dahil tuwing sasapit ang disoras ng gabi mula alas 11 hanggang madaling araw ay palakad-lakad at pagala-gala ang mga istambay na grupo ng mga kabataan na may mga kasamang mga kababaihan pa. Paikot-ikot rin ang maiingay na motorsiklo ng mga barkada nilang mga gang youth mula Hermosa na nakakapeprehuwisyo dito sa aming lugar.

+639168266 – – – –

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *