Thursday , March 28 2024
Sipat Mat Vicencio

Kulelat sa senatorial race

HINDI na dapat umasa pa ang  Liberal Party ni dating Pangulong Noynoy Aquino na mananalo ang kanilang senatorial bets sa darating na 2019 midterm elections.

Kung kikilatising mabuti, maihahambing sa panis o bilasang paninda ang mga kandidato ng LP.

Tulad ng senatorial bet ng LP, basura rin na maituturing ang mga kandidato ng PDP-Laban ni Senate President Aquilino “Koko” Pimentel. Karamihan din sa mga kandidato ng PDP-Laban ay sa kangkungan dadamputin.

At kung totoo ngang tuloy ang kandidatura nina Jim Paredes, Agot Isidro at Leah Navarro sa LP, wala rin silang kapana-panalo.  E, sino nga ba naman ang magsisiboto sa tatlong kumag? Mas mabuti pa siguro kung si Amay Bisaya na lang ang tumakbo at baka makasilat pa sa eleksiyon.

Maliban siguro kina dating Senador Mar Ro­xas at reelectionist na si Senador Bam Aquino, wala nang senatorial bet ang LP na masasabing maaaring makalusot sa darating na eleksiyon. Marami nang lumayas sa LP at karamihan sa kanila ay kasapi na ngayon ng PDP-Laban.

Wala rin matinong pagpipilian ang mga botante sa hanay ng PDP-Laban. Maliban kina dating MMDA chairman Francis Tolentino at reelectionist na Senador Koko Pimentel, lahat ay sa basura na dadamputin.

Kung tutuusin, hindi pa rin nakatitiyak itong si Pimentel dahil sa problema tungkol sa kanyang kandidatura bunsod na rin sa kuwestiyonable ang termino nang manalo sa protesta laban kay Senador Migz Zubiri.

Hindi rin puwedeng angkinin ng PDP-Laban ang mga reelectionist senators dahil hindi naman sila mga miyembro ng partido. Maituturing na mga guest candidates lamang sina Senador Grace Poe, Cynthia Villar, Sonny Angara, Nancy Binay, JV Ejercito kung magsisitakbo sila sa partido ni Pimentel.

Pare-parehong mahihina ang mga kandidato ng LP at PDP-Laban!

Sa latest survey ng Pulse Asia, tanging si Roxas ng LP ang pumasok sa magic 12. Saman­tala pawang butata ang mga kandidato sa PDP-Laban.

Sa nasabing survey, nanguna sina Grace Poe, Cynthia Villar, Pia Cayetano, Nancy Binay, Sara Duterte, Sonny Angara, Jinggoy Estrada, Imee Marcos, Pimentel, Lito Lapid, Serge Osmena at Roxas. Hindi dapat pagtakhan si Lapid kung bakit nakapasok sa magic 12, dahil kasama siya sa numero unong teleserye na “Probinsyano” ni Coco Martin.

Nakahihiya ang senatorial bets ng LP at PDP-Laban dahil karamihan sa kanila ay kulelat. Ilan sa kanila ay sina Agot na pang-38; Erin Tanada  nasa ika-46; Chel Diokno nasa pang-62; Paredes, ika-63; Barry Gutierrez, nasa ika-65, at Florin Hilbay na pang-66.

Huwag na nating banggitin pa ang mga kulelat na kandidato ng PDP-Laban dahil napaka­layo sa mga senador na pumasok sa magic 12.

Asahan ang mananalo sa darating na mid­term elections sa susunod na taon ay pawang mga reelectionist at ‘yung mga nasa magic 12 ngayon ng Pulse Asia at ng Social Weather Station na inaasahang maglalabas din ng kanilang survey.

SIPAT
ni Mat Vicencio

About Mat Vicencio

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *