Friday , March 29 2024
Kathniel Daniel Padilla Kathryn Bernardo The Hows Of Us
Kathniel Daniel Padilla Kathryn Bernardo The Hows Of Us

KathNiel, biggest loveteam of all time

MAGIGING masakit iyong pakinggan para sa mga naunang artista, pero matapos na kumita ang pelikula nina Daniel Padilla at Kathryn Bernardo ng mahigit na P700-M at ideklara nila iyong the biggest film grosser of all time, natabunan na ang sinasabing kinita ng Guy and Pip noong early ‘70s, o iyong mga kinita nina Sharon Cuneta at Robin Padilla noong 80’s. Tinalo na rin ng KathNiel ang mga pelikula noong araw niyong love team na Vi and Bot.

Pero siyempre iba pa naman ang pelikula noon. Ang mga pelikula noon inilalabas lang sa dalawang sinehan sa Maynila, at siguro mahigit na 100 sinehan sa buong bansa sa loob ng isang taon. Ngayon naman inilabas ang kanilang pelikula sa mahigit na 100 sa Metro Manila lamang at mahigit na 200 nationwide nang sabay-sabay. Kailangang isipin din na noong panahon ng Guy and Pip at Vi and Bot, ang bayad sa sine ay P26 lamang, kompara sa halos P300 ngayon. Pero kung ang kukunin mong statistics ay hindi nga ang kinita kundi ang bilang ng mga nanood na tao, panalo rin talaga ang KathNiel.

Kaya nga ngayon sinasabing sila ang biggest love team of all time. Ang kailangan namang patunayan ngayon ng KathNiel ay kung tatagal din sila kagaya ng Guy and Pip at Vi and Bot. Pero sa tingin namin, tatagal pa eh. Ngayon may mga ginagawa silang projects na hindi na sila ang magkasama. Tama naman iyon dahil baka magsawa ang mga tao kung lagi na lang sila, at matagal na rin naman iyong panahong sila na lang nang sila ang magkasama. Si Daniel, naging blockbuster din ang pelikulang kasama si Vice Ganda kahit na wala si Kathryn. Kailangan naman ngayong patunayan ni Kathryn na may magic pa rin siya kahit na wala si Daniel sa kasunod niyang pelikula.

Pero sa ngayon, mukhang safe na nga yatang sabihin na sila na ang biggest love team of all time, lalo na nga’t mukhang nagsipag-lamig na ang mga love team na kasabayan nila.

HATAWAN
ni Ed de Leon


Boy Abunda, magaling sa mga diskusyon at issue na ginagamitan ng utak
Boy Abunda, magaling sa mga diskusyon at issue na ginagamitan ng utak

About Ed de Leon

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *