HATAW! D'yaryo ng Bayan hatawtabloid.com
HINDI pa rin napalunan ng mga mananaya sa lotto ang jackpot prize ng 6/55 Grand Lotto ng Philippine Charity Sweepstake Office (PCSO).
Ayon sa PCSO, ang winning number combinations ay binubuo ng 10-36-48-41-40-23 na ang premyo ay nasa P122,614,000.00.
Dahil walang nanalo sa Grand Lotto draw, posibleng pumalo sa halos P130 milyon ang premyo sa susunod na bolahan.
Samantala, wala rin nanalo sa 6/45 Megalotto sa winning number combinations na 44-33-18-45-17-10 na may jackpot price na umaabot sa P52,084,556.00.
(JAJA GARCIA)
LOLO PATAY SA VAN SA PAGTAYA SA LOTTO
KALIBO, Aklan – Patay ang 66-anyos lolo matapos maatrasan ng L-300 van malapit sa isang lotto outlet sa New Washington, Aklan.
Kinilala ang biktimang si Carlito Ricardo, 66, residente ng Brgy. Jalas sa naturang bayan.
Sinasabing ang biktima ay naatrasan ng sasakyan habang tumataya sa lotto.
Nabatid na iniaaatras ng driver ang kanyang sasakyan nang hindi mapansin ang biktima na nasa likuran pala.
Natumba ang biktima at nabagok ang ulo na agad niyang ikinamatay.
(BETH JULIAN)
