Friday , March 29 2024

GMA dapat ipagamot sa abroad — Bongbong

PAMPANGA – Inirekomenda ni vice presidential candidate Senador Ferdinand “Bongbong” Marcos Jr., tulad ng ibang mga may sakit dapat din payagan ng pamahalaan na makapagpagamot sa ibang bansa si dating Pangulong Gloria Macapagal Arroyo.

Ayon kay Marcos, wala siyang nakikitang dahilan upang hindi mapayagan ng pamahalaan  na makapagpagamot sa ibang bansa ang dating pangulo.

Tinukoy ni Marcos na maging si dating Senador Benigno “Ninoy” Aquino Jr. na ama ni Pangulong Benigno “Noynoy” Aquino III ay pinayagan na makapagpagamot sa Estados Unidos.

Naniniwala si Marcos na hindi maaaring madaling matatakasan ng dating Pangulo ang kanyang kaso lalo na’t prominente siyang tao at monitor ng pamahalaan ang kanyang bawat galaw.

Aminado si Marcos na lubhang mahalaga ang suporta ng dating Pangulo sa kanyang kandidatura.

Inaasahan ni Marcos na susuportahan at iendoso siya ng dating Pangulo sa mga kaibigan, kakilala at kaalyado sa partidong Lakas bilang bise presidenteng kanyang mamanukin sa eleksiyon sa Mayo 9.

Si Gng. Arroyo ay kasalukuyang tumatakbong muli para sa pagka-kongresista ng isang distrito  sa Pampanga at walang kalaban.

Samantala, walang nakikitang hadlang si Marcos kung isasailalim sa isang house arrest ang dating Pangulo.

Sinabi ni Marcos, hindi dapat balewalain at isantabi ang kalusugan ng dating Pangulo.

Si Marcos ay nagpapatuloy ng kanyang Unity Caravan sa Pampanga at kanyang sinuyo hindi lamang ang local officials kundi maging ang mga Kapampangan.

Kaugnay nito, tumanggi si Marcos na pangalanan ang local officials na nagtiyak ng suporta sa kanya at ipinauubaya na niya sa kanila ang kanilang paghahayag ng lantarang suporta sa kanyang kandidatura.

About Niño Aclan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *