Friday , March 29 2024

Gina Lopez at Nat Geo, nagsanib-puwersa; G Diaries, ipalalabas sa ibang bansa

EMOSYONAL si Gina Lopez sa pagbabahagi ng mga bagong gagawin sa kanyang travel show na G Diaries na nasa Season 3 at mapapanood sa Marso 3. Bukod kasi sa ABS-CBN, makakasama niya ang National Geographic Society (NAT GEO) para ibahagi ang kuwento ng walong komunidad ng I LOVE (Investments in Loving Organizations or Village Economies) na bibigyan ng teknikal at pinansiyal na suporta para sa mga proyektong isusulong nila upang maiangat ang kabuhayan sa kanilang lugar.

Naluluha si Lopez habang ibinabahagi ang mga nagawa ng G Diaries para sa ilang komunidad sa iba’t ibang panig ng bansa.

Inisa-isa rin niya ang mga taong patuloy na tumutulong sa kanilang adbokasiya ng walang bayad.

Ayon sa taga-NAT GEO, ipakikita ang mga kuwentong ito sa buong mundo sa iba-ibang plataporma sa TV at online.

Bale kaisa ang Nat Geo ng G Diaries sa mga “I LOVE” site sa Tublay, Benguet, Bulusan, Sorsogon, Sta Cruz Island, Zamboanga, Polomolok, South Cotabato, Lake Sebu, South Cotabato, Simunul Island at Bongao, Tawi Tawi, Upi, Maguindanao at Maramag, Bukidnon, para tulungang pagyamanin at palawakin ang mga industriyang natural sa kanila tulad ng agro-foresty, fishery, at ecotourism.

Kasabay ng paglulunsad ng ikatlong season ang pirmahan ng Memorandum of Agreement ni Lopez at ni FOX International Channel senior vice president at general manager na si Jude Turcuato para pagtibayin ang pagsasanib-puwersa ng G Diaries at NAT GEO.

Ayon kay Lopez, simula 2017, sinusuportahan ng G Diaries ang adbokasiya ng I LOVE sa pamamagitan ng pagkukuwento ng mga karanasan ng mga komunidad sa pangangalaga ng kalikasan at pagpapaunlad ng kanilang lugar.

Taong 2018, nanalo ng Best Travel Show ang G Diaries sa 32nd PMPC Star Awards at Most Development-Oriented Environment Program sa UP Gandingan Awards 2018.

Samantala, ganoon na lamang ang katuwaan ni Looez dahil naroon din sa ginanap na presscon ng G Diaries ang mga patuloy na sumusuporta sa kanila tulad nina Prof. Ed Magdaluyo, President ng UP Mountaineers; Atty. Jean De Castro, CEO ng Esca EngineersRobert So, CEO ng EcosystemsVevey Lescano, Operations Manager ng ILOVE Foundation; Regina Lopez, Founder at Chairwoman of ILOVE Foundation; Jude Turcuato, General Manager ng Fox Networks Group Asia Philippines; at Charo Espedido, Head ng Marketing ng Fox Networks Group Asia Philippines.

Sumuporta rin sina CheChe Jardeleza, Head ng Production of Fox NGA Ph; Marisol Prieto, Marketing Manager, FOX NGA Ph; Bricks Agcopra, SPVTop International; Archie Miclat, SPVTop International; at Anton Mendoza, SPVTop International.

Panoorin ang G Diaries Season 3 sa ABS-CBN tuwing Linggo simula March 3 ng 10:00 am.. Mapapanood din ito sa TV sa ANC, the ABS-CBN News Channel at sa METRO Channel.

SHOWBIZ KONEK
ni Maricris Valdez Nicasio

About Maricris Valdez Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *