HATAW! D'yaryo ng Bayan hatawtabloid.com
ALAM kaya ni Land Transportation Office (LTO) chief, Assistant Secretary ALPUNSO ‘este’ ALFONSO TAN na ang tanggapan na kanyang pinamumunuan lalo na ang Law Enforcement Service (LES) ay nagagamit ng isang alyas Boy Gualvez sa pangongotong at panggagantso!?
Kung hindi ninyo ito nalalaman Atty. Tan, aba ‘e busisiin ninyo ‘yang nagpapakilalang bata ni Atty. JIMMY PESTIGAN ‘este’ PESIGAN.
Bakit pinapayagan ni Pesigan na maglagay ng isang mesa sa LTO-LES si Boy Gualvez at ang dyowa niyang si alyas Ruth?!
Batay sa reklamong nakarating sa atin, bigtime fixing ang lakad ni GUALVEZ. Lahat ng nakokompiskahan ng PLAKA ay sa kanya pinapupunta.
Maliit o ibig sabihin barya ang P5,000 DAW kay Gualvez kapag pinalakad sa kanya ang kompiskadong plaka.
Ano ang dahilan at nagbibigay kay Gualvez ng malaking halaga (hanggang P25,000) ang mga nakokompiskahan ng plaka ng LTO?!
Simple lang po.
Dahil nga si Gualvez ay mayroong isang mesa sa LES at doon niya mismo ginagawa ang transaksiyones kaya madaling nagtitiwala sa kanya ang mga nabibiktima.
LTO chief, Atty. Tan, LTO-LES chief Atty. Pesigan, paano malayang nakagagalaw at nakapangbibiktima ang magdyowang BOY GUALVEZ at RUTH sa mismong area of responsibilities ninyo?
Nalulusutan ba kayo? O talagang ‘sound of silence’ lang kayo d’yan?!
O timbrado sa ‘taas’ ‘yan!?
Communications and Transportations Secretary Joseph Emilio Aguinaldo Abaya, Jr., Sir, ano ba nangyayari diyan sa ahensiya ninyo?!
Lagi na lang kayong kontrobersiyal!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
