Thursday , March 28 2024

Dillinger at ibang Ginebra player nagkasagutan sa social media

MAAANGHANG na salita ang binitiwan ni Jared Dillinger ilang sandali matapos matalo ang Meralco Bolts sa TNT KaTropa sa kanilang do-or-die Game 3 sa PBA Commissioner’s Cup quarterfinals kamakalawa.

“That was one tough. Hats off to TNT for sticking it out. Beat Ginebra. I cant stand those guys,” matalas na pahayag ni Dillinger sa koponan ng Gin Kings na makasasalpokan ng TNT sa best-of-5 semifinals.

Walang ano-ano ay agad sumagot ang mga manlalaro ng Ginebra tulad nina Joe Devance, Solomon Mercado at Greg Slaughter.

Dahil sa maaanghang na bitaw, agad bumalikwas si Devance at sinabing, “Wow we don’t feel the fond of you either Jared. Congrats to TNT though.”

Dumating sa puntong hinahamon ni Devance si Dillinger sa one-on-one.

Sinundan ito ni Mercado sa pagsagot ng, “That’s not a nice thing to say, Jared,” na may kasama pang thumbs down na emoji.

Mabibigat ang pahayag ni Slaughter: “We got so much more for you to be mad at. Just be patient.”

Kaagad amang sumagot si Dillinger na sabik na siyang makalaro si Slaughter ng Ginebra ulit.

Magugunitang noong nakaraang taon sa Governors’ Cup ay hindi nakalaro dahil sa injury si Dillinger sa kanilang pagkatalo sa Ginebra sa Finals na itinuturing na isa sa pinakadikit na serye sa kasaysayan dahil sa close games at walang tambakan na resulta.

Isinalpak ni Justin Brownlee ang pampanalong tres sa huling segundo upang itulak ang Ginebra sa kampeonato.

Tinalo ng Ginebra ang Meralco sa isang makapigil-hiningang 90-89 sa eliminasyon bago magsimula ang playoffs.

Kung seryoso o katuwaan lang ang patutsadahan ng mga manlalaro, isa lang ang tiyak at iyon ang karibalan na unti-unting umiinit sa pagitan ng Ginebra at Meralco. (JBU)

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *