Thursday , March 28 2024

Dalawang jersey ni Kobe Bryant ireretiro ngayon

ITATAAS na ngayon sa bubong ng Staples Center sa Los Angeles California ang dalawang jersey ni Lakers legend Kobe Bryant.

At simula sa araw nito ay magiging imortal at alamat na sa kasaysayan ng Los Angeles Lakers ang kanyang pangalan at mga numero.

At ito nga ang numero 8 at 24 na jersey ni Bryant na ireretiro ng Lakers ngayon sa halftime show ng kanilang laban kontra sa nagdedepensang kampeon na Golden State Warriors.

Isang taon pa lang mula nang magretiro si Bryant sa basketball at ngayon ay ireretiro na agad ang kanyang jerseys na nangangahulugang wala nang maaaring magsuot ng alinman sa 8 o 24 numero sa Lakers habambuhay.

Huling naglaro si Bryant noong 3 Abril 2016 kontra sa Utah Jazz na tinabunan niya ng makasaysayang 60 puntos upang tapusin ang kanyang 20-taong makasaysayang karera.

Pagpasok ni Bryant noong 1996 ay numero 8 ang ginamit niya. Tumagal ito nang 10 taon bago magpalit sa 24 sa natitirang 10 taon ng kanyang karera.

Sa numero 8 ay nagkamal ng 16,866 puntos si Bryant kabilang ang 3 kampeonato habang nagbuslo siya ng 15,868 puntos, dalawang kampeonato at dalawang Finals MVP habang suot ang numero 24.

Sasamahan ni Bryant ang iba pang mga alamat ng Lakers na nairetiro na ang kanilang mga numero tulad nina Wilt Chamberlain, Jerry West, Kareem Adbul Jabbar at Magic Johnson.

(JBU)

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *