HATAW! D'yaryo ng Bayan hatawtabloid.com
MATAPOS ang isang taong pagkawala, sa wakas ay nakatapak nang muli sa PBA court ang sikat na manlalarong si Mark Cardona.
Kamakalawa nga ay nagbalik na sa propesyonal na liga si Cardona para sa Globalport Batang Pier.
Bagamat nagkasya siya sa 4 puntos, isang pambihihrang pangarap na muling natupad para kay Cardona, pag-amin niya.
Ang dating PBA Finals MVP ay muntikan nang bawian ng buhay noong nakaraang taon dahil sa tangkang pagpapatiwakal ngunit bumawi, umahon at bumangon sa buhay hanggang ngayon ay nakabalik na sa itinuturing ni-yang tahanan.
Nagpapasalamat si Cardona sa lahat ng taong umakay sa kanya sa kanyang pagbabalik lalo sa nagbigay ng tila ikalawang buhay sa kanyang karera sa basketbol.
Unang naging tuntungan ni Cardona sa pagbabalik sa basketball ang PBA D-League nang kunin siya ng Zark’s Jawbreakers at buhat noon ay nagtuloy-tuloy na hanggang mag-try-out siya sa Globalport at makakuha ng kontrata sa Batang Pier hanggang matapos ang season. (JBU)
