Friday , March 29 2024
Stab saksak dead

Bunso todas sa kuyang may sayad

SINAKSAK hanggang mapatay ng 38-anyos binata na sinasabing may diprensiya sa pag-iisip ang nakababatang kapatid sa Parañaque City, nitong Linggo ng gabi.

Hindi na umabot nang buhay sa Ospital ng Parañaque ang biktimang si Jonathan dela Vega Capistrano, 28, binata, construction worker, tubong-Naga Catanduanes, residente sa Capernum, Purok 7, Morales Compound, Barangay Moonwalk, dahil sa mga saksak sa iba’t ibang bahagi ng katawan.

Nahuli agad ng mga tauhan ng Police Community Precinct (PCP-6)  at tanod sa barangay ang suspek at kuya ng biktima na si  Orlando dela Vega Capistrano, 38, binata, residente rin sa naturang lugar.

Sa ulat ng Southern Police District (SPD), naganap ang pananaksak dakong 9:00 ng gabi.

Base sa inisyal na pagsisiyasat, katatapos makipag-inuman ng biktima at nililinis ang lugar nang biglang sumulpot ang kanyang kuya na armado ng kutsilyong may 10-pulgada ang haba at walang sabi-sabing sinaksak nang ilang beses ang kapatid niyang si Jonathan.

Dali-daling isinugod ng kanyang kaanak ang biktima sa naturang pagamutan ngunit binawian ng buhay.

Agad nahuli ng mga nagrespondeng pulis at tanod ang suspek at narekober ang patalim na puno pa ng dugo.

Sa pahayag sa awtoridad ng kanilang ina na si Emelita dela Vega Capistrano, 59, ang suspek ay may mental disorder.

Sasampahan ng kasong parricide, at paglabag sa PD9 as amended by BP 6 (illegal possession of bladed weapon) at BP 561 (Omnibus Election Code) sa Parañaque Prosecutor’s Office.

(JAJA GARCIA)

About Jaja Garcia

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *