Friday , March 29 2024
QC quezon city

Bingbong muling inilampaso ni Joy (Sa Quezon City)

MULING nailampaso ni mayoralty bet QC Vice Mayor Joy Belmon­te ang mga magiging ka­tung­gali na sina QC First District Rep. Vincent Crisologo at Ismael “Chuck” Mathay Jr., sa pagka-mayor ng lungsod.

Ito ay makaraang makakuha si Belmonte ng 75 percent votes na malaking lamang kay Crisologo na nakakuha lamang ng 24 percent votes habang si Mathay ay one  percent.

Ang survey ay kuma­katawan sa 3,500 voters ng National Capital Region na isinagawa ng RP-Mission and Develop­ment Foundation Inc. (RPMD Inc.)  nitong  1-10 Marso 2019.

Una nang nagsagawa ng survey ang RPMD Inc., noong 1-10 Pebrero mula sa 2,500 respondents na tinanong kung sino ang nais mamumo sa lungsod at nananatiling si Belmon­te ang top choice ng taong­bayan nang makakuha ng 72 percent boto,  18 percent si Crisologo  at 3 percent si Mathay.

Sa mga natanong, nagsabi na mas gusto nila ang mas batang lingkod bayan na may sapat na kakayahan at galing sa pamamahala sa lokalidad na tulad ni Belmonte.

“I’m very thankful to God and to our con­stituents for this positive response. We have a long way to go, but I am confident that my call for better governance and inclusive development will be heard loud and clear,” pahayag ni Belmonte.

Si Belmonte, ay nasa ikatlo at huling termino niya ngayon bilang vice mayor ng QC na masa­sabing siya lamang ang tanging lingkodbayan na magbibigay ng tunay na pagbabago, pag-unlad at magbibigay sigla sa kabuhayan ng mga taga-QC.

Para sa vice mayor’s position, nakopo naman ni  councilor Gian Sotto ang 42 percent na ungos kay Jopet Sison na naka­kuha ng 15 percent at Roderick Paulate 13 percent.

Bago naganap ang survey na ginawa ng RPMD Inc.,  nailampaso din ni Belmonte si Criso­logo sa ginawang survey na kinomisyon ng PUBLiCUS Asia Inc., noong 16-20 Nobyembre 2018, may bilang na 1,800 registered voters ang respondent sa kabu­uan ng Metro Manila.

Nakakuha si Belmon­te ng 59 percent, na malaking lamang kung ikokompara sa 17 percent ni Crisologo. Binigyang-diin ng mga taga-QC, ang mahu­say na pamamahala ni Belmonte at pagpapa­tupad ng iba’t ibang pro­grama para sa kapakanan ng mga residente ang nagtulak sa kanila para gawing No. 1 si Belmonte sa kanilang puso. (HNT)

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *