NAG-ALOK ng libreng sex ang isang Austrian brothel sa mga kostumer nito ngayong panahon ng tag-init bilang protesta sa sinisingil na punitive tax payments ng kanilang pamahalaan.
“Hindi na kami magbabayad ng buwis. Effective immediately: Free Entrance! Free Drinks! Free Sex!” pahayag ng Pascha sa Salzburg sa kanilang website.
Isang babaeng sumagot sa kanilang telepono ang nagsabing hindi raw ito biro.
Ipinakita ng pahayagang The Oesterreich ang larawan ng mga lalaking nakapili sa labas para ‘i-take advantage’ ang kakaibang offer ng establisyemento.
Nakasaad din sa aritikulo sa pahayagan na babayaran umano ni Hermann Mueller mula sa kanyang bulsa ang tinatayang 10,000 euros (US$11,270) isang buwan kikitain ng mga prostitute na nagtatrabaho rito.
Inireklamo ni Mueller, na may iba pang mga brothel, o kasa, sa apat na lungsod sa Alemanya at Austria, sa nakalipas na mga panayam ng media ang pagbubuwis at regulasyong ipinapataw sa kanyang mga negosyo.
Ayon sa kanya, nakapagbayad na siya nang mahigit limang milyong euro ng buwis sa Salzburg pa lang sa nakalipas na dekada.
Kinalap ni Tracy Cabrera