HATAW! D'yaryo ng Bayan hatawtabloid.com
HINDI pa rin tinatantanan ng mga basher si Bea Binene.
Ang dahilan? Si Alden Richards.
May mga nagbibigay kasi ng ibang kahulugan sa friendship ng dalawa.
May iba pa nga na nag-iisip na ang Victor Magtanggol star ang secret boyfriend ng Kapag Nahati Ang Puso female lead.
Heto ang ilan sa mga pamba-bash kay Bea…
“Grabe halang din ang bituka itong babaeng ito! Ano’ng klase kaya ang nanay nito? Nagsisimba kaya ito? Huwag ka ng magsimba baka masunog ka sa kasinungalingan mo! Ito’ng taong ‘to napakasinungaling din, e. Hindi daw dyowa si Alden. Pakamatay ka, uy! Para naman mabawas-bawasan ang mga sinungaling dito sa mundong ito!’
“Hoy, Binene ikaw ha, marami ka ng napapaniwala na hindi kayo ni Alden! ‘Tanong lang; hindi ka ba naniniwala sa karma? Huy, may isang tao dun sa itaas nagmamasid, hindi ka ba takot sa kanya? Hanggang ngayon ba bulaklak pa rin ang pino-post mo? Napakaduwag mo naman girl! Hindi ka proud kay Alden.
“Mayaman yun, di ba? Buhay-reyna ka dun! Bayad lahat ng mga gastusin ng pamilya mo. Ha! Ha! Ha! Kunsabagay tagu-tago muna para hindi mabuking.
“Si Alden ba ang nagbabayad sa tuition mo at sa kapatid mo?”
“Block lang, block lang,” ang sagot naman ni Bea nang tanungin namin kung hindi ba siya nasasaktan sa mga ganitong pamba-bash sa kanya.
“Blocked lang sila.”
Sumagot na siya rati.
“Kasi sabi ko nga po kapag sumagot ako ngayon, kapag ganyan ‘yung utak nila, sarado na utak nila, so kapag sasagot ako sa kanila, ang sasabihin lang nila pumapatol ako sa isyu.
“Kapag hindi ako sumagot ang sasabihin nila, pinapahaba ko ‘yung isyu para mapag-usapan ako.”
Kaya ngayon ay hindi na siya sumasagot, bina-block na lang niya ang bashers.
Pero kapag binlock niya ay nare-realize naman ni Bea na pareho lang ang pangalan ng mga ito, na nagpapalit lang ng pangalan ang mga basher.
“Tapos wala naman silang profile picture. Walang follow, walang post.”
Hindi naman umabot si Bea sa punto na gusto na niyang i-deactivate ang kanyang social media accounts, nanghihinayang lang siya sa oras ng mga basher.
“Kasi ang dami nilang time. Wala silang ginagawa sa buhay.”
Na sa halip ayusin nila ang mga buhay nila at magtrabaho ay inuubos ang oras sa pamba-bash ng celebrities.
“Suportahan nila ‘yung idol nila ng walang halong negativity sa buhay, ‘di ba?”
Never pang umiyak si Bea sa sinumang basher, napipikon lang siya minsan kapag idinaramay ang pamilya niya.
“Kasi unang-una alam ko naman kung ano ang totoo.”
Matalik na magkaibigan lamang talaga sila ni Alden, sa pelikula pa lamang na Tween Academy: Class of 2012 ay magkaibigan na sila, si Jake Vargas pa ang ka-loveteam noon ni Bea.
Isang grupo silang magkakaibigan nina Alden, Kristoffer Martin, at Rodjun Cruz, among others, na ang kalimitang bonding ay kumain sa labas at umakyat sa bundok.
“Tapos binibigyan nila ng malisya kasi ako lang yata ‘yung babae.”
Sana ay hindi na lagyan ng malisya ang friendship nila.
Pinayuhan siya ni Alden na huwag na lang pansinin ang mga pamba-bash sa kanya.
Rated R
ni Rommel Gonzales
