Thursday , March 28 2024

APEC posibleng solusyon sa China-PH conflict — Marcos

NANAWAGAN si Senator Ferdinand “Bongbong” R. Marcos na gamitin ang pagkakataon sa Asia Pacific Economic Cooperation Summit upang ayusin ang relasyon sa China na lumamig nitong nakaraang mga taon dahil sa pinag-aagawang teritoryo sa West Philippine Sea.

Nauna rito, kinompirma ng Ministry of Foreign Affairs ng People’s Republic of China na dadalo si Chinese President Xi Jinping sa APEC Summit na gaganapin sa Maynila sa darating na Linggo.

Matatandaan, ilang linggo ang nakalilipas nang nagdesisyon ang United Nations arbitration court na may hurisdiksiyon sila para dinggin ang ilang reklamong inihain ng Filipinas kaugnay sa pinag-aagawang mga teritoryo. Hindi kinikilala ng China ang awtoridad ng korte para dinggin ang kaso.

“Para sa akin dapat nating gamitin ang lahat ng oportunidad na makipag-usap sa China, pormal o impormal man ang mga pag-uusap. Dapat na makahanap tayo ng solusyon sa problema sa pagitan ng China at ng Filipinas,” ani Marcos sa panayam nitong Martes ni Leo Lastimosa ng DYAB-Cebu.

“Bagama’t nagkasundo ang dalawang panig na huwag pag-usapan ang isyu nang agawan sa teritoryo sa APEC summit, isang magandang pagkakataon pa rin ito para magkaroon ng top-level talks sa pagitan ng mga lider ng dalawang bansa.”

“Habang patuloy na nag-uusap ang dalawang panig may pag-asa na makahanap tayo nang mapayapang solusyon sa problema sa agawan sa teritoryo,” giit ni Marcos.

Maganda rin aniya ang nangyari kamakailan, dagdag ng Senador, na tila lumambot na ang posisyon ng China at nagpahayag ito na bukas na nilang pag-usapan ang isyu na International Law ang pagbabasehan.

About Niño Aclan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *