Friday , March 29 2024

Ana Capri, nasa bucket list ang makatrabaho si Nora Aunor

00 Alam mo na NonieISA sa nasa bucket list ng magaling na aktres na si Ana Capri ang natanggal nang nakasama niya ang award winning actress na si Nora Aunor sa pelikula.

Kahit guest lang sina Ana at Ms. Nora sa pelikulang Pare Mahal Mo Raw Ako na tinatampukan nina Michael Pangilinan at Edgar Allan Guzman, at mula sa pamamahala ni Direk Joven Tan, ibang klaseng experience raw ito sa kanya. Isa ang superstar sa hinahangaan ng sobra ni Ana, kaya naman labis-labis ang kanyang kagalakan nang makatrabaho ang premyadong aktres.

“Kabilang talaga siya sa mga nasa bucket list ko na gusto kong makasama sa pelikula o kahit sa TV show. Natuwa ako noong narinig ko na may project kami, nang sinabi na girlfriend ako ni Ms. Guy dito, talagang nagulat ako at natuwa. First time ko siyang nakatrabaho at talagang dream come true ito,” wika ni Ana.

Ayon kay Ana, ibang klaseng experience raw ito sa kanya. “Very humble siya, very cooperative. Ako kasi, observant nga ako na hangga’t maaari titignan ko how she prepares for her scene. So yun parang, ‘Ah ganoon ‘yung ginagawa niya.’ It’s nice to learn from the professionals at may nakuha akong technique sa kanya,” saad ni Ana.

Paano mo siya ide-describe bilang artista? “Paano ba? Kasi, inaaral niya rin naman talaga mga ginagawa niya, mga lines. Tapos open siya for suggestions at doon ako natutuwa. Kasi, parang ine-expect ko na parang ano… Pero okay naman sa kanya ‘pag nagsa-suggest yung director sa kanya. Tapos ay Tsine-check niya kung okay lang ba yung atake, o puwedeng gawin ulit.”

Nang naka-usap daw niya si Ms. Nora habang nagsu-shooting ay lalong napabilib si Ana sa award winning actress. “Isang beses itinanong ko sa kanya, ‘Para sa estado mo, mayroon ka pa bang dream role na gusto mong gawin?’ Tapos sabi niya, ‘Well parang every role, every movie na nabibigay sa akin, every role na ginagampanan ko, is a dream role.’

“Kaya sa loob-loob ko, ‘Ay panalo sa answer.’ Ganoon talaga siya, iba ang trato niya sa trabahong ito, e.”

Sa ngayon, napapanood si Ana sa All Of Me sa ABS CBN bilang nanay ni Yen Santos. Tampok din dito sina JM de Guzman, Albert Martinez, Arron Villaflor, at iba pa. Sa pelikula naman, isa si Ana sa casts ng Louie Ignacio movie na Laut na mula sa BG Productions International ni Ms. Baby Go at pinagbibidahan nina Barbie Forteza, Ronwaldo Martin (kapatid ni Coco Martin), Gina Pareno, at iba pa.

ALAM MO NA! – Nonie V. Nicasio

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *