Thursday , March 28 2024
Bulabugin ni Jerry Yap
Bulabugin ni Jerry Yap

6 working days para sa proseso at issuance ng passport ibinida ng DFA

KOMPIYANSANG ibinida ni Foreign Affairs (DFA) Secretary Alan Peter Cayetano na anim na araw na lang ang proseso at issuance ng passport matapos makompleto ang requirements at maipasok sa Consular Office ang aplikasyon.

At ‘yan umano ay magsisimula, ngayong araw mismo!

Palakpakan po natin si Secretary Alan, mga suki!

“We made a promise to the President and to our kababayan that we will work hard to give them fast, efficient, and secure passport services,” ani Secretary sa isang statement mula sa New York nang siya ay dumalo sa 73rd Session ng United Nations General Assembly.

Heto pa ang dagdag na sabi ng Kalihim, “Shortening the length of time our kababayan would have to wait before they could receive their passports is part of that promise.”

Inilinaw ng kalihim na mula ngayon, 1 Oktubre, ang mga aplikante sa DFA Consular Offices sa Metro Manila na nagbayad ng regular processing fee na P950 ay puwede nang makuha ang kanilang pasaporte matapos ang 12 working days imbes 15 working days.

Sa mga aplikante na mas piniling magbayad ng processing fee na P1,200 ay makukuha na nila ang pasaporte matapos ang 6 working days imbes pitong araw.

Ani Secretary Cayetano, ang mga aplikante ng DFA Consular Offices sa labas ng Metro Manila ay makukuha ang pasaporte matapos ang 12 working days imbes 20 days sa mga regular processing, habang 7 working days naman imbes 10 days sa express processing.

Patuloy umanong gumagawa ng solusyon at mabisang paraan ang DFA para lalo pang mapabilis ang proseso ng mga papeles na isinumite ng mga aplikante sa mga Philippine Embassies at Consulates General sa iba’t ibang bahagi ng mundo.

Sa kasalukuyan ay umaabot pa nang dala­wang buwan ang pagpoproseso ng mga papeles.

Bukod sa pagpapaikli ng waiting time ng mga aplikante, mas napaikli na rin ng ahensiya ang paghihintay ng mga aplikante na makakuha ng online appointment slots na aabot ngayon nang dalawang linggo hanggang isang buwan kompara noong isang taon na umaabot sa dalawa hanggang tatlong buwan.

Sabi ni Secretary Alan, resulta ito ng mga pro­gramang ipinatupad simula pa noong isang taon kasama ang dagdag kapasidad ng DFA na tumanggap ng bugso ng mga aplikante.

Kasama na rito ang pagtanggap ng bayad sa e-payment scheme at ang pagbubukas nang mahigit 10,000 slots simula 12:00 noon at 9:00 p.m., Lunes hanggang Sabado, hindi kasali ang holiday.

“From 9,500 passports that were being processed daily in May last year, we have increased our capacity to almost 20,000 pass­ports a day.  We endeavor to increase this number to 30,000 by the end of the year,” pagtitiyak ni Cayetano.

“Providing better passport services is at the heart of our work at the DFA,” pagmamalaki ni Secretary Cayetano.

Sinisiguro rin niya sa publiko na ang ahensiya ay patuloy na magtatrabaho upang mas lalong maging mabisa ang pagbibigay ng serbisyo sa mga Filipino maging ang maayos at mabilis na pag-isyu ng passport nang sa gayon ay maging maaga at nasa oras ang pag-aaral, pagtatrabaho at pagbiyahe sa ibang bansa ng mga Filipino.

By the way Secretary Cayetano, tiyak na lalong matutuwa sa inyo ang mga mamamayan lalo ang mga overseas Filipino workers (OFW) kung ibababa pa ninyo ang presyong binabayaran sa pagkuha ng passport. Alalahanin ninyong sa pagkokompleto lang ng mga rekesitos ay malaki na ang ‘tosgas’ ng aplikante.

E ‘yung pasahe pa sa pagpaparoot parito?!

Kapag nagawang ibaba ni Secretary Alan ang halaga ng binabayaran sa pagkuha ng pasaporte, aba, tiyak na lulusot siya sa susunod na pagtakbo bilang Vice President ng bansa at libre pa siyang ikakampanya ng OFWs.

Go na, Secretary! Ibagsak mo na ang bayad sa pagkuha ng pasaporte. Go!

PARTY-LIST CONGRESSMAN
‘NAGWALA’ NANG PINAGHUBAD
NG SAPATOS SA NAIA

Ano kaya ang lihim sa likod ng biglang pagtatatarang ni Rep. Aniceto “John” Bertiz ng Party-list ACT-OFW nang paghubarin siya ng sapatos ng mga kagawad ng Office of Trans­portation Security (OTS) sa Ninoy Aquino International Airport (NAIA) terminal 2?!

Isang malaking kahihiyan ang inasal nitong si Bertiz na ayaw maghubad ng sapatos sa NAIA para sa security check.

Ayon kay Ed Anas, opisyal ng OTS, iniim­bestigahan nila at nirerepaso ang video na nag-viral sa social media na nangyari nitong 29 Setyembre 2018, sabado dakong 6:45 am.

Nakilala si congressman sa pamamagitan ng Closed Circuit Television (CCTV) sa final security check ng terminal 2 na lahat ng departing passengers ay hini­hilingan na maghubad ng sapatos para sa X-ray bilang bahagi ng security measures na ipinatutupad.

Pero alam ba ninyong imbes sumunod ay deadma lang si Cong. Bertiz at tuloy-tuloy na ipinasok ang kanyang sapatos sabay pakita ng ID kung sino siya?!

Sunod-sunod umano na nilabag ang security protocols sa Palasyo…

Hindi lang ‘yan, hinarbat pa ni Bertiz ang ID ng empleyado. Tinawagan si  GM Ed Monreal para tanggalin umano ang screening officer, at kung ano-ano pang ‘kahangutan’ ang pinag­gagawa sa NAIA.

Mabuti na lamang at may nakakuha ng video.

At siyang nagpakalat sa social media.

Isang malaking kahihiyan ang pinaggagawa ninyo congressman!

Hindi ba’t gumagawa kayo ng mga batas?!

E bakit kayo rin ang numero unong violator?!

Hey! Totoo ba ang balita na gusto raw nitong si Bertiz na sunggaban ang iiwanang posisyon ni Secretary Bebot Bello kapag tumakbong senador?!

Arayku!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *