Wednesday , February 20 2019
Breaking News
You are here: Home / News / 3 bagets arestado sa pananaksak sa 32-anyos babae
3 bagets arestado sa pananaksak sa 32-anyos babae

3 bagets arestado sa pananaksak sa 32-anyos babae

TATLONG maituturing na kabataan, isang 19-anyos at dalawang edad 20-anyos ang naaresto matapos pagtulungang saksakin ang isang 32-anyos babaeng factory worker sa Valen­zuela City, kamakalawa ng madaling araw.

Kritikal ang kalagayan sa Valenzuela Medical Center (VMC) ng biktimang si Judy Capambi, 32-anyos, resi­den­te sa Sampaguita St., Brgy. Punturin sanhi ng mga tama ng saksak sa iba’t ibang bahagi ng katawan.

Agad naaresto ang isa sa tatlong suspek na kinilala ni S/Supt. David Nicolas Poklay, hepe ng Valenzuela City Police, na si Derrick Rosende, 19-anyos, naka­tira sa Northville 1 Brgy. Bignay matapos ang maikling habulan.

Batay sa ulat, dakong 2:30 am, nang maganap ang pananaksak ng mga suspek sa tapat ng Paw Lugaw na matatagpuan sa kahabaan ng Kabesang Porong St., ng nasabing lungsod.

Katatapos umanong kumain ng lugaw ng biktima nang bigla itong salubungin ng mga suspek at pinagtu­lungang sasaksakin at bugbugin.

Matapos ito, mabilis na tumakas ang mga suspek ngunit agad nasakote si Rosende.

Sumunod na naaresto ang mga kasama niyang sina Frederick Ferol, 20, ng Dos­tres Reyes St., Pang­hulo, Obando, Bulacan; at ang sinabing lesbian na si Roselyn Pikit-Pikit, 20, ng Doña Elena St. Brgy. Punturin.

Nahaharap sa kasong frustrated murder ang mga suspek na nakakulong na sa Valenzuela detention cell.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top