Tuesday , March 19 2024

Digong ‘inawat’ si Andaya vs Diokno

WALANG iba kundi si Pangulong Rodrigo Duterte na ang nagsalita kay dating House Majority Floor Leader Rolando Abaya Jr., na tigilan na si Budget Secretary  Benjamin Diokno.

Sa pahayag na ipina­labas ng Palasyo, baga­mat inirerespeto umano ng Pangulo ang awtono­miya ng House of Repre­sentatives ay sinabihan si Andaya na tigilan ang ‘paninira’ sa pamama­gitan ng media propa­ganda na may layuning wasakin at sirain ang imahen at reputasyon ni Diokno.

Ito ay matapos at kasunod din nang mapa­talsik si Andaya sa kan­yang puwesto bilang majority floor leader na pinalitan ni Capiz 2nd District Rep. Fredenil Castro.

Samantala, agad nag­paabot ng pagbati si Palace spokesman Salva­dor Panelo kay Castro matapos maitalaga bilang bagong house majority leader.

Matapos mapatalsik si Andaya sa kanyang puwesto ay pinagka­lo­oban siya ng pagiging pinuno ng Appro­pria­tions Committee kaya tuluyang nawala sa kanyang mga kamay ang committee on rules.

Magugunitang ang House committee on rules noong pinamumunuan pa ni Andaya ay ilang beses nagsagawa ng pagdinig ukol sa isyu ng umano’y corruption sa budget at mga flood control project na ang la­yunin umano ay ipahiya at wasakin si Diokno.

Ngunit hindi nani­niwala ang ilan na wala siyang hurisdiksiyon sa isyu na isa rin sa mga sina­sabing dahilan ng kanyang pagkakatalsik sa puwesto.

Nauna rito, nana­wagan si Bicol congress­man LRay Villafuerte ng agarang pagpapatalsik kay Andaya bilang majo­rity leader matapos ang mga pagdinig.

Para kay Villafuerte, maituturing na isang ‘deflective measure’ ma­ta­pos ibunyag ni Senador Panfilo Lacson na may­roon siyang nadis­kubreng ‘anomalous insertions’ para sa panukalang 2019 national budget na ang nakikinabang ay pawang mga kaalyado ni House Speaker Gloria Maca­pagal Arroyo.

Nitong Lunes ay pinagtibay ng Senado ang P3.7 trilyong 2019 national budget na inihain ni Diokno.

Umaasa si Diokno na matatapos at maa­apro­bhana sa lalong madaling panahon ng dalawang kapulungan ng Kongreso sa pamamagitan ng bicameral conference committee ang iisang bersiyon ng 2019 national budget.

ni NIÑO ACLAN

About Niño Aclan

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *