Tuesday , March 19 2024

Babae patay sa sunog sa Maynila (Hotel, sasakyan ng PDEA at Post Office natupok sa QC fire)

PATAY ang isang 29-anyos babae nang masu­nog ang isang condo­minium sa Binondo, May­nila, kahapon.

Kinilala ang bikti­mang si Karen Caparas, 29 anyos.

Nailigtas ng mga kagawad ng pamatay sunog ang limang tao na nakulong sa 9/F ng Diamond Tower  a Ma­sang­kay St., Binondo.

Samantala,  isanghotel at 10 barungbarong ang natupok sa magka­hiwalay na sunog sa Quezon City kahapon.

Sa ulat ng Quezon City Fire, dakong 2:00 am nang masunog ang Icon Hotel na matatagpuan sa Timog Avenue, Brgy. Sacred Heart, Quezon City.

Sa imbestigasyon, nagsimula ang sunog sa ika-anim na palapag ng 7F building partikular sa electrical room.

Inaalam ng QC Fire ang pinagmulan ng sunog na umabot sa ikalawang alarma.

Walang naiulat na nasaktan o namatay sa insidente.

Samantala, dakong 12:00 ng tanghali nang sumiklab ang sunog sa squatters area sa likod ng Quezon City Post Office, NIA Road, Brgy, Pinya­han, QC.

Kaugnay nito, 10 pamilya ang nawalan ng tahanan.

Sa ulat, nagsimula ang sunog sa bahay ng isang Jennifer at mabilis na kumalat sa katabing bahay na pawang yari sa kahoy at plywood.

Nahirapan apulahin ang apoy sa nasabing lugar dahil eskinita ang daanan papasok sa lugar mula sa compound ng post office na naide­klarang fire out dakong 2:00 pm.

Nadamay sa sunog ang mga nakaparadang sasakyan sa compound ng post office, at ang mga sasakyan na pag-aari ng Philippine Drug Enforce­ment Agency (PDEA).

Nakikigamit ng parking area ang PDEA sa post office dahil sa kakapusan ng espasyo sa PDEA compound. Mag­ka­tabi lamang ang post office at PDEA.

Ilan sa mga nasunog na sasakyan ang dala­wang Toyota Innova, isang Toyota Vios, at dalawang Toyota Hi-Ace.

Walang naiulat na nasaktan sa sunog na naapula dakong 1:05 pm. (BONG SON/ALMAR DANGUILAN)

About hataw tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *