Friday , March 29 2024

Ex-DFA passport contractor tirador?!

SABI na nga ba’t walang gagawing matino ‘yang APO UGEC na kakontrata ng dating administrasyon para mag-imprenta ng mga pasaporte natin.

Aba, mantakin ninyong nang i-terminate ng Department of Foreign Affairs (DFA) ang kontrata sa kanila e, dalhin ba naman ang mga datos ng mga passport owner (database)?!

Tama ba ‘yun?!

Pagkatapos silang bayaran ng gobyerno at pagkakitaan nila ang pagkatumal-tumal nilang pag-iimprenta ng pasaporte ng mga Filipino, e nakuha pa nilang ‘nakawin’ ang database ng DFA Consular’s Office?!

Wattafak!

Akala natin e mga professional ‘yang mga kakontrata ng APO, e para palang mga batang mahilig mag-trantrum ang mga ‘yan.

Tsk tsk tsk…

Isang malaking pagkakamali na hindi na dapat ulitin ng DFA.

Dapat na talagang ibalik sa Bangko Sentral ng Pilipinas (BSP) ang pag-iimprenta ng ating pass­port kaysa ipaubaya sa mga pribadong kompanya na walang ibang iniisip kundi ang kumita na parang tubong-lugaw sa pondo ng gobyerno.

Sonabagan!

Hindi pa ba kayo ‘nabubundat’ sa tagal ninyong pinagkakitaan ang pag-iimprenta ng mga pasaporte?!

Ngayong nalantad ang kawalanghiyaan ng mga pribadong service provider na ‘yan, may plano kayang papanagutin ng Duterte adminis­tration ‘yang APO UGEC na ‘yan?!

Ano sa palagay ninyo, ex-con ‘este ex-Presidential Communications Operations Office (PCOO) Sec. Herminio “Sonny” Coloma, Jr.?!

Kung inyong natatandaan, si Coloma ang naatasan noon ni PNoy para pamahalaan ang operasyon ng pribadong APO UGEC sa P38-bilyong (6-year) contract sa pag-iimprenta ng pasaporte.

Dapat siguro’y magpatawag ng hearing ang Kongreso sa panggugulang ng service provider na ‘yan.

Mantakin ninyong bilyones ang isinuka ng gobyerno na ‘welcome na welcome’ na ibinulsa ng APO UGEC?

Hoy, hindi kayo tatantanan ni Secretary Teddy “Boy” Locsin…

Tugisin!          

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *